Zakir Ağaxan oğlu Hüseynov (23 sentyabr 1961 – 31 oktyabr 2010) — Azərbaycan rəssamı, Azərbaycan Rəssamlar İttifaqının üzvü.

Zakir Hüseynov
Doğum tarixi
Doğum yeri Əmircan, Bakı, Azərbaycan SSR, SSRİ
Vəfat tarixi (49 yaşında)
Vəfat yeri Bakı, Azərbaycan
Vətəndaşlığı SSRİ SSRİAzərbaycan Azərbaycan
Fəaliyyəti Rəssamlıq
Təhsili Bakı Rəssamlıq Məktəbi

Həyatı

Hüseynov Zakir Ağaxan oğlu 1961-ci il sentyabr 23-də Bakının Əmircan kəndində anadan olmuşdur. Uşaq yaşlarından rəsm dərnəyində İslam Müzəffərovdan sənətin sirlərini öyrənən Zakir Hüseynovda rəssamlığa böyük maraq yaranmışdır. Zakir Hüseynov Əmircan kəndindəki 226 saylı orta məktəbi bitirdikdən sonra Əzim Əzimzadə adına Bakı Rəssamlıq Məktəbinə (indiki İncəsənət Kolleci) daxil olmuş, burada toxuculuq şöbəsində (1979–1985) təhsil almışdır. Onun sənət müəllimi Şairə Ələsgərova və Böyükağa Salahov olmuşdur. Zakir Hüseynov məktəbi bitirdikdən sonra toxuculuq kombinatına təyinat alsa da, oraya getməmiş, rəssamlıq sənəti ilə məşğul olmuşdur. Həmçinin Bakı yod zavodunda (1985–1986), Bədii Fondun İstehsalat Yaradıcılıq Kombinatında (1986–1991) tərtibatçı rəssam işləmişdir.

1988-ci ildən Bakı İncəsənət Mərkəzinin, 1996–2003-cü illərdə "Labirint" İncəsənət Xadimləri Cəmiyyətinin, 2006–2010-cu illərdə "Bakı" qalereyasında fəaliyyət göstərən yaradıcı qrupun, 1997-ci ildən Azərbaycan Rəssamlar İttifaqının üzvü olmuşdur.

Zakir Hüseynov 2010-cu il oktyabrın 31-də uzun sürən xəstəlikdən sonra 49 yaşında vəfat etmişdir. O özünü Azərbaycan rəssamlığının "tənha döyüşçüsü" adlandırırdı. Elə buna görə də sənətşünas Ziyadxan Əliyev rəssamın həyat və yaradıcılığına, əsərlərinin təhlilinə həsr etdiyi kitab-albomu "Tənha döyüşçü" adlandırmışdır. 2011-ci il dekabrın 7-də Xətai Miniatür Sənəti Qalereyasında sənətkarın 50 illik yubileyinə həsr olunmuş fərdi sərgisində bu kitabın təqdimat mərasimi keçirilmişdir.

Yaradıcılığı

Zakir Hüseynovun 1986–1989-cu illərdə müxtəlif miqyaslı sərgilərdə işlərini nümayiş etdirmişdir. 1988-ci ildə Rəssamlar İttifaqının dəstəyi ilə onun əsərləri gənclərin ümumittifaq sərgisində, bir il sonra isə Budapeşt, RiqaMoskva şəhərlərində nümayiş etdirildi. O, sovet dönəmində ciddi təzyiqlərə baxmayaraq öz üslubunu yarada bilmiş və 30 illik yaradıcılığı ilə Azərbaycanın milli rəngkarlığında sənətkar rəssam kimi yer tutmuşdur.

Zakir Hüseynov yaradılığında çoxəsrlik milli bədii ənənələrə müraciət etmişdir. Onun yaradıcılığında xüsusilə Abşeron təbiəti tərənnüm olunmuşdur. 1978-ci ildən başlayaraq ömrünün sonuna qədər müxtəlif miqyaslı sərgilərin, o cümlədən Qazaxıstanda, Rusiyada, Gürcüstanda, Fransada, Macarıstanda, Latviyada keçilən beynəlxalq sərgiləri, "Azərbaycan mədəniyyəti günləri"nin (Əbu-Dabi, BƏƏ, 1989), Beynəlxalq Təsviri sənət Festivalının (Gəncə, 2006) və s. tədbirlərin iştirakçısı olmuşdur. 2005-ci ildə "Qazelli evi" şirkətinin təşkilatçılığı ilə fərdi sərgisi, 2006-cı ildə "Yeni qalereya"da Sənubər Səmədova və Eldar Babazadə ilə birgə sərgisi keçirilmişdir. 2011-ci ildə "Abşeron" qalereyasında keçirilməsi nəzərdə tutulan, hətta kataloqu da çap olunan fərdi sərgisi xəstəliyi səbəbi ilə baş tutmamışdır. Əsərləri Azərbaycan, Rusiya, ABŞ, İngiltərə, Türkiyə, Fransa, Kanada, HollandiyaAvstraliya kimi ölkələrin nüfuzlu kolleksiyalarında və muzeylərində saxlanılır. Bir neçə əsəri Azərbaycan Milli İncəsənət MuzeyininMüasir incəsənət muzeyinin daimi ekspozisiyasındadır. Yaradıcılığı barəsində vaxtaşırı Azərbaycan və xarici ölkə mətbuatında çoxsaylı məqalələr dərc olunur.

Qalereya

İstinadlar

  1. (az.)). baku.ru. 2021-09-26 tarixində . İstifadə tarixi: 26 sentyabr 2018.
  2. (az.)). AZƏRTAC – Azərbaycan Dövlət İnformasiya Agentliyi. İstifadə tarixi: 26 sentyabr 2018.

Mənbə

  • Ziyadxan Əliyev. "Zakir Hüseynov. Tənha döyüşçü". Bakı, Letterpress, 2011. 208 səh.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023