Yarkon parkı (ivr. פארק הירקון; Park HaYarkon) – İsrailin Təl-Əviv şəhərində yerləşən park. Parkı illik 16 milyon nəfər ziyarət edir. Adını içindən axan eyniadlı çaydan götürən parkda çəmənliklər, idman qurğuları, botanika bağları, quş damları, su parkı, iki açıq konsert salonu, göllər yerləşir.
Yarkon parkı | |
---|---|
ivr. פארק הירקון | |
Məlumatlar | |
Parkın tipi | ictimai park |
Yerləşməsi | Təl-Əviv, İsrail |
Sahəsi | 321 ha |
Yaradılıb | 1973 |
Tabeçiliyi | Təl-Əviv bələdiyyəsi |
Ziyartəçi sayı | 16 milyon |
Statusu | ilin hər günü açıqdır |
Xəritədə yeri | |
Vikianbarda əlaqəli mediafayllar |
Tarix
Parkın salınması planları 1969-cu ildə başlamışdır. 1973-cü ildə açılanda 1969-1974-cü illərdə Təl-Əviv şəhərinin meri olmuş şərəfinə İeşua bağı adlandırılmışdır.
Görməli yerləri
Parkda 6 bağ yerləşir: Gan HaBanim (Düşmüş Əsgərlər Memorial Bağı), Gan Nifga'ei HaTeror (Terror Qurbanları Memorial Bağı), Gan HaSlaim (Qaya bağı), Gan HaKaktusim (Kaktus bağı), Gan HaGazum (Budanmış bağ) və Gan HaTropi (Tropik bağ).
Dünyada öz növünün ən böyüklərindən biri olan Qaya bağı İsrailin geoloji müxtəlifliyini əks etdirir. 10 ar sahəyə malik bu bağda 3.500-dən çox bitki növü var (8 arında isə kaktuslar). 5 arlıq Tropik bağda palma ağacları ilə kölgələnən və kiçik gölə aparan taxta yol yerləşir. Yağış meşəsini xatırladan mikroiqlim səhləblərin və sarmaşıq bitkilərinin müxtəlifliyinə səbəb olmuşdur.
Yarkon çayı bütün park boyunca axır, parkın qərb sərhədində Aralıq dənizinə çatır, daha sonra – əyləncə və turizm mərkəzinə gəlib çıxır. Son bir neçə ildəki səylərə baxmayaraq, çay hələ də çirklidir. Çirkli suyuna baxmayaraq 2011-ci ildə Təl-Əviv meri çaya tullanıb üzmüşdür. Bütün bunlara baxmayaraq, ərazi biomüxtəlifliyini qorumağa davam edir. Park cücülər, su quşları, adi çaqqallar, oxlu kirpilərlə, manqustalar ilə zəngindir.
Tədbirlər
Parkda bir çox məşhur musiqiçi və musiqi qrupunun konserti baş tutmuşdur: Maykl Cekson, Pol Makkartni, The Rolling Stones, , Madonna, Devid Boui, Karlos Santana, Dire Straits, Elton Con, Bon Jovi, Aerosmith, Metallica, U2, Depeche Mode, Guns N’ Roses, Red Hot Chili Peppers, , Linkin Park, Ozzi Osborn, Co Koker, , , , , Castin Timberleyk, Robbi Vilyams, Rihanna, , OneRepublic, Lady Gaga, Castin Biber, , və Britni Spirs.
ABŞ müğənnisi Britni Spirs 3 iyul 2017-ci ildə parkda 60.000 nəfərin iştirakı ilə konsert vermişdir. Konsertə görə İsrail Əmək Partiyası yeni sədrini müəyyənləşdirmək üçün keçirilməsi lazım olan səsverməni sabaha təxirə salmışdı. Səsvermə 3 iyul üçün nəzərdə tutulsa da, rəsmilər maşın tıxaclarından və üzvlərin konsertə üstünlük verməsindən ehtiyat etmişlər.
Superulduz Maykl Cekson 19/21 sentyabr 1993-cü ildə parkda konsert vermişdir. Birinci konsertə 80.000 nəfər, ikincisinə 100.000 nəfər gəlmişdi.
İtaliya opera evi La Skala Təl-Əviv şəhərinin 100 illiyi ilə bağlı olaraq parkda 100.000 nəfərin iştirakı ilə konsert vermişdir.
İstinadlar
- . 2008-05-09 tarixində arxivləşdirilib. İstifadə tarixi: 2017-11-05.
- . 2011-07-19 tarixində arxivləşdirilib. İstifadə tarixi: 2017-11-05.
- . 2017-10-20 tarixində . İstifadə tarixi: 2017-11-05.
- . The Guardian. 5 April 2017. 28 January 2020 tarixində . İstifadə tarixi: 5 November 2017.
- . Entertainment News. 17 July 2009. 27 August 2017 tarixində . İstifadə tarixi: 5 November 2017.
Xarici keçidlər
- 2011-09-28 at the Wayback Machine