Yaşar Səlimov — fizika-riyaziyyat elmləri doktoru (1988), professor (1989).

Yaşar Səlimov
Yaşar Şakir oğlu Səlimov
Doğum tarixi
Doğum yeri Ağdaş, Azərbaycan SSR, SSRİ
Vəfat tarixi (73 yaşında)
Vətəndaşlığı SSRİ SSRİ
Azərbaycan Azərbaycan
Atası Şakir Səlimov
Milliyyəti azərbaycanlı
Təhsili Azərbaycan Pedaqoji İnstitutu

Həyatı

Yaşar Səlimov 1938-ci il mayın 5-də Ağdaş rayonunda anadan olmuşdur. 1945 - 1955-ci illərdə Ağdaş rayon Nizami adına 2 saylı orta məktəbdə oxumuşdur. 1960-cı ildə Azərbaycan Pedaqoji İnstitutunun fizika-riyaziyyat fakültəsini bitirmişdir.

Y.Səlimov 1970-ci ildə namizədlik, 1988-ci ildə isə M.V. Lomonosov adına Moskva Dövlət Universitetinin Hesablama riyaziyyatı və kibernetika fakültəsinin ixtisaslaşmış Elmi Şurasında "Diferensial tənliklər və riyazi fizika" ixtisası üzrə doktorluq dissertasiyasını müdafiə etmişdir.

Professor Y.Səlimov 13 iyul 2011-ci ildə vəfat etmişdir.

Fəaliyyəti

Professor Y.Səlimov bir sıra məşhur jurnallarda məqalələrlə çıxış etmişdir. Onun qeyd olunmuş işləri Amerika Riyaziyyat Cəmiyyəti tərəfindən ingilis dilində çap edilmişdir. O, 1955-ci ildə Amerika Riyaziyyat Cəmiyyətinə üzv qəbul olunmuşdur. Y.Səlimov "Kto yest kto v mire" nəşrinə 1995-96-ci illərdə 12-ci, 1997-ci ildə isə 14-cü sıraya qəbul olunmuşdur. Y.Səlimovun "Laplas operatorunun özünə qoşma olmayan genişlənməsinin məxsusi və qoşma funksiyaları biortoqonal ayrılışının Riss ortaları haqqında" işində aldığı nəticələr rus, amerika və ingilis alimləri tərəfindən yüksək qiymətləndirilmişdir.

Yaşar Səlimov 1963-cü ildə Azərbaycan Neft və Kimya İnstitutunun "Ali riyaziyyat" kafedrasının assistenti, 1970-ci ildə baş müəllim, 1973-cü ildən isə həmin kafedranın dosenti olmuşdur. 1989-cu ildən ADNA-nın Ali riyaziyyat kafedrasının professoru, 1991-ci ildən həmin kafedrasının müdiri olmuşdur. 1997-ci ildə professor Kembric Beynəlxalq Bioqrafiya Mərkəzinin direktor müavini seçilmiş, eyni zamanda Amerika Bioqrafiya İnstitutunun Tədqiqat Assosiasiyasının idarəetmə palatasına üzv qəbul olunmuşdur.

Professor Y.Səlimov 50-dən çox nəzəri işin müəllifidir ki, onlardan 20-si xarici ölkələrin jurnallarında dərc olunmuşdur. Həmçinin o, ali məktəb tələbələri üçün yazılmış 14 dərsliyin müəllifidir. O, Azərbaycan Təhsil Nazirliyinin riyaziyyat, mexanikainformatika üzrə elmi və metodik bölməsinin nümayəndəsi olmuşdur. Y.Səlimov 100-dək çap olunmuş elmi əsərin müəllifidir. Bu işlər həm ölkəmizdə, həm də onun xaricində nüfuzlu mətbu orqanlarında dərc olunmuşdur.

Nyu-York Elmlər Akademiyasının üzvüdür. ABŞ-da çıxan "Kim-kimdir" (1990-1995) ensiklopediyasında ona məqalələr həsr olunub.

Mükafatları

  • 1998-ci il iyul ayında Amerika Bioqrafiya İnstitutu "XX əsrin görkəmli şəxslərinin fəxri 100 illik palatası" ilə mükafatlandırılmışdır.
  • İngiltərənin Kembric Beynəlxalq Bioqrafiya Mərkəzi riyaziyyat sahəsindəki xidmətlərinə görə "XX əsrin mükafatı" diplom vəsiqəsi və medalı ilə mükafatlandırılmışdır.

Eyni zamanda Y.Səlimovun adı "Təltif olunanların Xartiya siyahısı"na köçürülmüşdür.

İstinadlar

  1. Faiq Şükürbəyli. "Ağdaş tarixin yaddaşında-I kitab", Bakı ,2013, səh.158
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023