Xoşbulaq (əvvəlki adı: Xaçbulaq) — Azərbaycan Respublikasının Daşkəsən rayonunun Zağalı kənd inzibati ərazi dairəsində kənd. Azərbaycan Respublikası Ali Sovetinin 7 fevral 1991-ci il tarixli, 54-XII saylı Qərarı ilə Daşkəsən rayonunun Zağalı kənd Sovetinin Xaçbulaq kəndi Xoşbulaq kəndi adlandırılmışdır.
| Xoşbulaq | |
|---|---|
| 40°27′45″ şm. e. 46°01′37″ ş. u. | |
| Ölkə | |
| Tarixi və coğrafiyası | |
| Saat qurşağı | |
| Əhalisi | |
| Əhalisi |
|
|
| |
Toponimikası
Qədim xəritələrdə kəndin adı Xanbulaq olaraq göstərilir. Kəndin ərazisi keçmişdə Yelizavetpol qəzasına daxil olan Əhmədli, Alabaşlı, Kamanlı, Hacallı, Qarabağlar, Lək, Şadılı və başqa kəndlərin yaylaq yeri olmuşdur. Sonrakı dövrlərdə kəndin adı dəyişdirilmiş və girişindəki xaçlı bulağın adına uyğun olaraq 1991-ci ilədək Xaçbulaq adlandırılmışdır. 1991-ci ildən Xoşbulaq adlanır. 1991-ci ildən kəndin adı "Xoşbulaq" kimi rəsmiləşdirilmişdir. Kəndin əvvəlki adı Xaçbulaq idi. Bu toponim Qafqaz Albaniyası ilə bağlıdır.
Tarixi
Kəndə 1967-ci ildə sel gəlmiş və çoxlu insan tələfatı olmuşdur.
Tarixi abidələri
Xoşbulaq kəndində aşağıdakı daşınmaz tarix və mədəniyyət abidəsi qeydə alınmışdır:
| İnventar № | Abidənin adı | Tarixi | Yerləşdiyi ünvan | Növü | Əhəmiyyət dərəcəsi |
|---|---|---|---|---|---|
| 51 | Xoşbulaq kurqanları | Son tunc-İlk dəmir dövrü | Xoşbulaq kəndi | Axeoloji | Dünya |
Coğrafiyası və iqlimi
Kənd Qoşqarçayın sahilində, Şahdağ silsiləsinin ətəyində, rayon mərkəzindən təqribən 7 km məsafədə yerləşir.
Əhalisi
| İl | Daimi əhali | Kişilər | Qadınlar |
|---|---|---|---|
| 1999 | 1879 | 951 | 928 |
| 2009 | ↗1901 | ↗982 | ↘919 |
İqtisadiyyatı
Əhalinin əsas məşğuliyyətini əkinçilik, maldarlıq və heyvandarlıq təşkil edir. Yaylaq mövsümündə xoşbulaqlılar evlərini kirayə verməklə, gələn qonaqlara qatıq, pendir, təndir çörəyi satmaqla gəlir əldə edir. Bura Qərb bölgəsinin sakinlərinin ən çox üz tutduğu məkandır.
Kənd ərazisindən Daşkəsən-Xoşbulaq magistral təbii qaz xətti keçir, kənddə Xoşbulaq avtomatik qazpaylayıcı stansiya fəaliyyət göstərir.
Mədəniyyəti
Kənddə 1 №-li, 2 №-li və 3 №-li Xoşbulaq kənd kitabxana filialları, Xoşbulaq kənd Mədəniyyət Evi, Xoşbulaq kənd klubu fəaliyyət göstərir.
Kənddəki gölün kənarında qədim müsəlman məzarları aşkarlanmışdır. Burda Qara seyidin qəbri hələ də ziyarət edilən yerdir. 2020-ci ilin sentyabr ayında Xoşbulaq yaylağında 3 min il əvvələ aid dini ibadətgah yeri tapılmışdır.
Təhsil
Kənddə Daşkəsən rayon Xoşbulaq kənd tam orta məktəbi və Daşkəsən rayon Xoşbulaq kənd ümumi orta məktəbi fəaliyyət göstərir.
Din
Kənddə dini ibadət yeri və ya dini icma qeydə alınmamışdır.
Səhiyyə
Kənddə Xoşbulaq kənd həkim məntəqəsi yerləşir.
Şəxslər
- Asim Süleymanov — Vətən müharibəsi şəhidi
Şəkillər
İstinadlar
- .
- (PDF). 2022-01-28 tarixində (PDF). İstifadə tarixi: 2022-05-31.
- . 2022-05-02 tarixində . İstifadə tarixi: 2022-09-10.
- (PDF). 2021-07-07 tarixində (PDF). İstifadə tarixi: 2022-06-07.
- 2021-10-20 at the Wayback Machine oxu.az
- . 2022-03-25 tarixində . İstifadə tarixi: 2021-01-29.
- (PDF). 2021-11-10 tarixində (PDF). İstifadə tarixi: 2021-01-26.
- 2021-10-27 at the Wayback Machine azertag.az
- . 2022-06-23 tarixində . İstifadə tarixi: 2021-01-23.
- . 2021-06-17 tarixində . İstifadə tarixi: 2022-06-07.