Əslən gürcü olan Xəlil Rüfət Paşa Sultan Əbdülməcid dövrünün sədrəzəmlərindən Qoca Hüsrəv Mehmed Paşanın himayəsində böyüdülən yüzə yaxın uşaqdan biriydi. Möhürdar və xəzinədar olaraq bir müddət sarayda xidmət etmişdir. 1828–1829 Osmanlı-Rusiya müharibəsi əsnasında Rusiyaya elçi olaraq göndərildi. Rusiyadan qayıtdıqdan sonra kaptan-ı dərya oldu və donanmanı yenidən qurdu. 24 may 1834-cü ildə Sultan II Mahmudun qızı Saliha Sultanla evləndi. Bu evlilikdən Ayşə Sidiqə xanım Sultan, Sultanzadə Cavid və Sultanzadə Əbdülhəmid adlı 3 övladı dünyaya gəldi. Saliha Sultanın gənc yaşda vəfatının ardından İsmət xanımla evləndi. Bu evlilikdən isə Mahmud Cəlaləddin adlı bir oğlu dünyaya gəldi.

1836-cı ildə sərdar, 1839-cu ildə ticarət naziri oldu. 1843-cü ildə ikinci dəfə kaptan-ı dərya təyin edildi. 1845-ci ildə Trabzon qubernatoru oldu. 1847-ci ildə üçüncü dəfə kaptan-ı dərya seçildi. 1848–1854-cü illərdə Aydın və Bursa qubernatoru oldu. 1854–1855-ci illərdə dördüncü dəfə kaptan-ı dərya kimi fəaliyyət göstərdi.

1856-cı ildə İstanbulda vəfat etdi və Əyyubsultandakı türbəsinə dəfn edilmişdir.

• 2014-07-14 at the Wayback Machine
• Hatice Aynur, , Harvard University, Department of Near Eastern Languages and Civilizations, 1995, p. 8.
• Necdet Sevinç, , Üçdal Neşriyat, 1985, p. 344.
• Osman Sak, İrfan Çalışkan, , Eyüp Belediyesi Kültür ve Turizm Müdirlüğü, 2003, p. 159.
• Mehmet Zeki Pakalın, , Türk Tarih Kurumu, 2008, p. 156.
• Ufuk Gülsoy, , Simurg, 2000, p. 43.
• Sinan Kuneralp, , İsis, 1999, p. 75.
• , Türkiye Ekonomik ve Toplumsal Tarih Vakfı, 1995, v.1 p. 266.
• ^{[ölü keçid]}