|Tam Adı = '''Dağbəyi Mirzəxan oğlu İsmayılov'''

|Doğum Tarixi = '''1 avqust, 1948'''

|Doğum Yeri = '''Qubadlı'''

'''Dağbəyi Mirzəxan oğlu İsmayılov''' 1948-ci il avqustun 1-də Qubadli rayonunun Çərəli kəndində anadan olub. 1966-cı ildə Qubadlı qəsəbə orta məktəbini, 1968-ci ildə Naxçıvan Pedaqoji Məktəbini bitirib. 1968-1970-ci illərdə Çərəli kənd orta məktəbində müəllim işləyib. 1970-1975-ci illərdə o zamankı S.M.Kirov adına Azərbaycan Dövlət Universitetinin (indiki BDU-nun) jurnalistika fakultəsində ali təhsil alıb. 30 ildən artıqdır ki, mətbuatda çalışır. 1975-ci il avqustun 1-dən 2002-ci il noyabrın 15-dək “Bakı” və “Baku” qəzetləri redaksiyasında müxbir, şöbə müdiri və Baş redaktorun müavini vəzifələrində işləyib. 2002-ci il noyabrın 15-dən köçürmə yolu ilə Azərbaycan Dövlət Teleqraf Agentliyi - AzərTac-da buraxılış redaktoru vəzifəsinə təyin olunub. 2003-cü il yanvarın 6-dan 2005-ci il fevralın 2-dək AzərTAc-da Baş redaktor vəzifəsində fəaliyyət göstərib. 2005-ci il fevralın 3-dən 2008-ci il fevralın 1-dək AzərTAc-da Baş direktorun müavini vəzifəsini icra edib. 2008-ci il fevralın 1-dən Azərbaycan Respublikası Prezidentinin Sərəncamı ilə AzərTAc-ın Baş direktorunun müavini təyin edilib. Hazırda həmin vəzifədə çalışır.Yeni Azərbaycan Partiyasının üzvüdür. 1969-1973-cü illərdə Qubadlı rayon Hal Kənd Sovetinin deputatı olub. 1977-ci ildən Azərbaycan Jurnalistlər Birliyinin üzvü olan Dağbəyi İsmayılıov 1982-ci ildə həmin təşkilatın '''“Qızıl qələm”''' mükafatına layiq görülüb. "Heydər Əliyev və AzərTAc", "AzərTAc-dan AzərTAc-a mürəkkəb və şərəfli yol" kitablarının, eləcə də Azərbaycan mətbuatının problemləri ilə bağlı məqalələrin müəllifi, çoxsaylı kitabların redaktorudur. Azərbaycan Respublikası Prezidentinin 2005-ci il 28 fevral, 2010-cu il 21 iyul tarixli sərəncamlarına əsasən '''“Tərəqqi” medalı''' ilə təltif edilib və '''"Əməkdar Jurnalist"''' fəxri adına layiq görülüb. Ailəlidir, 2 övladı var.