XIX əsr – XX əsrin əvvəllərində Bakıda yaşayış çox baha idi. Biletləri yüksək qiymətə olan mövcud teatr hamı üçün deyildi. Xalq evlərinin tikintisinə ehtiyac yaranmışdı. [[Rusiya İmperiyasıimperiyası]]nın bir çox şəhərlərinin timasında Bakı şəhər idarəsi Bakıda [[Xalq Evi]] tikməyə qərar vermişdi. Bu məqsədlə 20 yanvar [[1901]]-ci il tarixində sahə memarı mülki mühəndis [[Q.M.Termikelov]]a qısa müddət ərzində tikintinin ümumi dəyərlərinin hesablanması ilə Xalq Evinin eskiz layihəsini hazırlamaq tapşırıldı. Ancaq şəhər idarəsi Xalq Evini məlum səbəblərdən, yəni vəsait çatışmamazlığından tikdirə bilmədi. Lakin Neft Sənayeçiləri Qurultayının Şurası öz vəsaiti hesabına [[Sabunçu]] və [[Balaxanı]] kəndlərində ciddi order memarlığı formasında xalq evləri tikdirdilər.