'''Bakıya hücum''' ({{Dil-de|Anschlag auf Baku}}) — 1942-cü ildə çəkilmiş [[Üçüncü Reyx|Almaniya]] [[triller filmi]]. [[Frits Kirçof]]<nowiki />un rejissorluğu, Hans Volfqanq Hillers və Hans Veydemannın ssenaristliyi ilə "[[Universum Film AG|UFA]]" tərəfindən çəkilən filmin baş rollarında [[Villi Frits]], [[Rene Deltqen]] və [[Frits Kampers]] var.
Film [[İkinci Dünya müharibəsi]] dövründə çəkilmişdi və [[Anqlofobiya]]<nowiki />nı təbliğ edirdi. Filmin səhnə dizayneri Otto Hunte dövrünə görə çox uğurlu hesab edilirdi və filmdəki fəaliyyətinə görə çox təriflənmişdi.{{sfn|Heyk|2001|p=53}} Filmin çəkilişləri [[Rumıniya]]<nowiki />da və [[Berlin]] şəhərindəki [[Babelsberq film studiyası]]<nowiki />nda baş vermişdir.
Filmin çəkilişləri 4 noyabr 1940-cı ildə, [[Barbarossa əməliyyatı]]<nowiki />nın hazırlandığı dövrdə başlamışdır. Filmin dünya premyerası 18 avqust 1942-ci ildə baş tutdu. Filmin səhnəyə qoyulmasından 3 gün sonra isə Nasist bayrağı [[Elbrus dağı]]<nowiki />na sancılmışdı. Filmin başqa bir premyerası isə [[Fransa]]<nowiki />da, 11 mart 1943-cü ildə olub. Filmin çəkilişləri o dövr üçün fenomenal idi. 3.085.000 [[reyxsmark]]<nowiki />dan (50.000.000 [[Azərbaycan manatı]]) daha çox başa gələn filmin qazancı gözlənilməz dərəcədə az olmuşdu.<ref name="earn">{{cite book |first=Ülrix |last=İ. Klaus |title=Deutsche Tonfilme 12. Jahrgang 1942/43 |location=Berlin |year=2001 |page=20}}</ref>
== Süjet ==
Filmin əsas mövzusu [[Bakı]] və onun [[Azərbaycanda neft sənayesi|neft sənayesi]]<nowiki />dir. Hadisələr 1919-cu ildə, [[Azərbaycan Xalq Cümhuriyyəti]]<nowiki />nin paytaxtı olan Bakı şəhərində keçir. İlk səhnələrdə Bakıdakı maqnatlar var: Corc Kemps ([[Paul Vildt]]), Mister Yensen ([[Erix Ponto]]), Mister Hanson ([[Valter Yansen]]) və Mamulyan ([[Aribert Veşer]]). Filmin baş rolu isə Hans Romberqdir ([[Villi Frits]]). Hans [[Birinci Dünya müharibəsi]]<nowiki />ndə ruslara əsir düşür və inqilabdan sonra həbsdən azad olub Bakıya işləməyə gəlir. O, burada neft maqnatı Kempsin şirkətində işləməyə başlayır və təhlükəsizlikdən məsul olur. Milyonerlərin neft mədənlərinə tez-tez hücumlar baş verir. Hans bu hadisələrdən ingilislərin məsul olduğunu bilir. O, Corc Kempsin qızı Silviya Kempsə ([[Lotte Koç]]) aşiq olur.
Filmin antaqonisti Britaniya hərbçisi Persi Forbsdur ([[Rene Deltqen]]). Onun da Silviyadan xoşu gəlir, həmçinin gizlin şəkildə neft maqnatlarının torpaqlarını ələ keçirmək istəyir. O, hətta neft buruqlarında partlayışlar da təşkil edir. Bu vaxt Romberq yaralanır. Partlayışdan sonra Persi Forbs Bakının polis rəisi Barakovla ([[Hans Zeş-Ballot]]) görüşür və ona təhlükəsizlik üçün [[Osmanlı ordusu]]<nowiki />nun şəhərə dəvət etməsini təklif edir. Dəvəti alan Osmanlı hərbçiləri Bakı şəhərinə daxil olir. Küçələrdə Osmanlı və Azərbaycan bayraqları dalğalanır. Çox keçmədən ara yerə qarışır. Bu dəfə ingilis agentlərinin təhriki ilə [[ermənilər]] və [[azərbaycanlılar]] bir-birlərini qırmağa başlayırlar. Forbs bu dəfə başqa bir təkliflə gəlir – Bakının Böyük Britaniya ordusuna verilməsi. Çox keçmədən Forbs özünü Bakının qubernatoru elan edir və bütün hakimiyyəti əlinə alır.
Barakov bir müddət sonra öz səhvini başa düşür və Romberqin köməyini istəyir. Romberq yerli əhalini təşkilatlandırır və onlar birlikdə ingilisləri Bakıdan qovurlar. Hans Romberqin yeganə xəyalı isə [[Almaniya]]<nowiki />ya qayıtmaqdır.
== Rollarda ==
Sətir 115:
== İstehsal ==
Filmin çəkilişləri 4 noyabr 1940-cı ildə, [[Barbarossa əməliyyatı]]<nowiki />nın hazırlandığı dövrdə başlamışdır. Rejissor Kirçof [[Bakı]]<nowiki />ya müəyyən qədər oxşayan bir şəhər lazım idi. Almaniyada belə bir ərazi yox idi. Buna görə də həmin səhnələr üçün [[Rumıniya]]<nowiki />nın [[Moreni]] və [[Beykoy]] şəhərləri seçildi. Digər səhnələr isə [[Polşa]] və [[Almaniya]]da çəkilirdi. Filmdəki əsgərlər [[Rumıniya krallığı]]<nowiki />nın öz ordusundan çəkiliş üçün ayırdılığı 900 nəfər əsl əsgər idi. Filmin inandırılıcığı üçün həqiqətən neft buruqları partladıldı və yanğınlar törədildi – ətraf kəndlərin camaatı isə partlayış səslərindən təəccüblənirdilər.<ref name="varyox">{{cite web |url=https://varyox.az/analizator/attack-on-baku/ |title=“BAKIYA HÜCUM” – NASİST PROPAQANDA FİLMİ |date=23 noyabr 2018 |archiveurl=https://web.archive.org/web/20181123180718/https://varyox.az/analizator/attack-on-baku/ |archivedate=23 noyabr 2018 |author=Cavid Ağa |publisher=Varyox.az |accessdate=23 noyabr 2018}}</ref>
Filmdəki bütün aktyorlar avropalı idi. Filmin musiqisi ilə məşhur Avstriya bəstəkarı, [[Berlin filarmoniyası]]<nowiki />nın konduktoru [[Aloiz Melixar]] məşğul olub.