Salam həmkar. {{tl|Film}} şablonunu {{u|Vago}} standartlaşdırır. İndilik bu günə qədər o şablonda olan bütün parametrləri qeyd edib. Sənin vaxtın olanda bir baxarsan şablonun sənədləşdirmə səhifəsinə. Orada məsələn, "Geyim rəssamı", "səsləndirənlər" və s. belə ən azı 10-15 parametr var ki, onları şablondan çıxarmışdıq. Sən bax gör bəlkə eləsi var ki, qalması məsləhətdir. Yəni şablona son bir görünüş versən əla olar. Onu sonra Vago bütün səhifələrə köçürəcək. Hörmətlə:— [[İstifadəçi:Sortilegus|Sortilegus]] ([[İstifadəçi müzakirəsi:Sortilegus|müzakirə]]) 20:11, 26 sentyabr 2020 (UTC)

:Salam, hörmətli {{u|Sortilegus}}. Müraciətiniz üçün təşəkkür edirəm və dəyərli istifadəçimiz {{u|Vago}}ya bu təşəbbüs üçün minnətdarlığımı bildirirəm. Şablona nəzər saldıqdan sonra bəzi qeydlərimi sizə ünvanlamaq istərdim. Şablondan quruluşçu operator hissəsinin çıxarılması tərəfdarıyam. "Quruluşçu" sırf sovet dövründən gələn kino terminidir. Əgər filmin rejissorunu quruluşçu olaraq deyil, məhz sadəcə rejissor kimi yazılmasını müvafiq görmüşüksə, eyni məqam operatora da aid edilməlidir. Yeri gəlmişkən, bəzən filmlərimizdə türklərin tendensiyasına uyğun olaraq operatoru "kameraman", yaxud "görüntü rejissoru" da adlandırırlar. Biz bunların hamısını şablonda əks etdirə bilmərik. Buna ehtiyac yoxdur. Məsələn, əgər "Fəryad" filminin operatoru (sovet kinosu təsirlərilə quruluşçu operatoru) Kənan Məmmədovdursa, ikinci operatoru (sovet kinosu təsirlərilə baş operator "quruluşçu" yazıldığına görə sadəcə operatoru) Tərlan Babayevdirsə, biz ümumi qaydalara əsasən, əsas (quruluşçu; baş) operatoru - operator kimi yazmalıyıq. Eyni tendensiyanı ruslar da həyata keçirir. Filmlərin titrlərində "quruluşçu" saxlasalar da, vikipediya şablonunda bu sözü istifadə etmirlər. Səs rejissoru və operatorunun bir-birinin ardınca yazılmasını təklif edirəm. "Geyim rəssamı" ifadəsində "rəssamı" kiçik hərflə yazılmalıdır. Şablonda "Filmin üzərində işləyənlər" kimi bir başlığın olmasına ehtiyac yoxdur. Onsuz da bu insanların hər biri filmin heyətinə daxildir. Bu başlıq qarşısında yazılacaq şəxslərin kim olacağı qeyri-müəyyəndir və ümumiyyətlə aydın deyil. "Montaj üzrə assistent"in də yazılmasına ehtiyac görmürəm. Necə ki, rejissorun, operatorun, rəssamın assistentləri şablonda göstərilmir, montajınkına da ehtiyac yoxdur. "Sezon sayı" ifadəsinin "Mövsüm sayı" olaraq dəyişdirilməsinin tərəfdarıyam. "Əvvəlki" və "Filmin davamı" - bunlar oxşar adlarla qeyd olunsa, daha uyğun olar. İkincinin "Sonrakı" kimi yazılmasını təklif edirəm. Şüar daha münasib və seçilən yerə qoyulsa (məsələn, posterin yuxarısı, yaxud aşağısına), daha yaxşı olar. Lakin burada - məhz şüarla bağlı digər vikipediyaların təcrübəsindən istifadə etməyin əhəmiyyətini qeyd etmək istərdim. Hörmətlə:— [[İstifadəçi:Babək Akifoğlu|Babək Akifoğlu]] ([[İstifadəçi müzakirəsi:Babək Akifoğlu|müzakirə]]) 21:41, 26 sentyabr 2020 (UTC)