== Həyatı ==

Məmmədov Famil Hüseyn oğlu 01.04.1943 tarixində İmişli rayonunun Cəfərli kəndində anadan olmuşdur. 1950-ci ildə Cəfərli kənd orta məktəbinin birinci sinfinə getmiş, 1960-cı ildə həmin məktəbin 10-cu sinfini bitirərək M. Əzizbəyov adına Qırmızı Əmək Bayraq ordenli Azərbaycan Sənaye İnstitutun (indiki Azərbaycan Neft Akademiyası) Energetika fakültəsininin nəzdində ilk dəfə açılmış rabitə ixtisasının birinci kursuna daxil olmuşdur. 1961-ci ildə həmin ixtisasın dövlət sərəncamı ilə Azərbaycan Politexnik İnstitutuna (indiki Azərbaycan Texniki Universiteti) keçirilməsilə əlaqadar olaraq sonralar təhsilini burada davam etdirmiş, 1965-ci ildə həmin institutun “Avtomatik Elektrik Rabitəsi” ixtisasını bitirərək elektrik rabitəsi mühəndisi adına layiq görülmüşdür. Həmin ildə O, gənc mütəxəssis kimi işləmək üçün təyinatla Qazaxstan Respublikasının Karaqanda şəhərinə göndərilmiş və 1967-ci ilədək orada «Karaqandaenerji” idarəsinin Rabitə xidməti şöbəsində mühəndis vəzifəsində işləmişdir.