[[Danimarka milli futbol komandası|Danimarka millisinin]] çempionluğu hamı üçün gözlənilməz olmuşdur. Belə ki, bu komandanın çempionatda iştirak edəcəyinə final turnirinin başlamasına bir neçə gün qalmış qərar verilmişdir. Çünki seçmə mərhələsində Danimarkanın təmsil olunduğu 4-cü qrupda birinci yeri [[Yuqoslaviya milli futbol komandası|Yuqoslaviya millisi]] tutmuşdur. Danimarkalılar qrup ikincisi olaraq final turnirinə vəsiqə əldə edə bilməmişdilər. Amma Yuqoslaviya da SSRİ kimi dağılmış, bununla belə keçmiş SSRİ-dən fərqli olaraq (MDB millisi adı altında) keçmiş Yuqoslaviyanın final turnirində iştirakına icazə verilməmişdir. Bu qərardan sonra turnirin final mərhələsində iştirak edən Danimarkanın heyətlə də bağlı problemləri vardı. Baş məşqçi ilə aralarında narazılıq olduğuna görə millinin, eləcə də Barselona klubunun 28 yaşlı oyunçusu, [[Mikael Laudrup]] heyətdə yer almamışdır. Onu da qeyd etmək gərəkdir ki, bu şempionatdan 14 il sonra — 2006-cı ildə Mikael Laudrup Danimarkada bütün zamanların ən yaxşı danimarkalı oyunçusufutbolçusu elan edilmişdir.