Üsyan yatırıldıqdan sonra [[Gəncə Qəza İnqilab Komitəsi]] (sədri [[İbrahim Əliyev (inqilabçı)|İbrahim Əliyev]]) 9 iyun [[1920]]-ci ildə Vorontsovskaya küçəsinin adını Kanoqa adı ilə dəyişdirmək haqqında qərar qəbul edir. Buna səbəb XX diviziyanın III alayının komandiri olan Kanoqanın üsyan yatırılanda döyüşərkən bu küçədə öldürülməsidir.

Üsyan zamanı öldürülmüş bolşeviklərin xatirəsini əbədiləşdirmək haqqında Ümumazərbaycan Mərkəzi İcraiyyə Komitəsi qarşısında məsələ qaldırılmış və [[Qızıl Ordu|XI Qızıl OrduyaOrdu]]<nowiki/>ya Gəncədə abidə qoyulması üçün Azərbaycan İnqilab Komitəsi 100 milyon rubl ayırmalı idi. Lakin [[Gürcüstan Demokratik Respublikası|Gürcüstan]] və Ermənistanın[[Ermənistan Demokratik Respublikası|Ermənistan]]<nowiki/>ın sovetləşdirilməsi bu məsələni ləngitdi. Yalnız 17 yanvar [[1923]]-cü ildə [[Mir Bəşir Qasımov]] tərəfindən abidənin qoyulması üçün büdcənin müəyyən edilməsi haqqında göstəriş verilib.

[[1995]]-ci ilin aprel ayının 11-də Gəncə şəhər İcra Hakimiyyətinin başçısı [[Elsevər İbrahimov]] Gəncə üsyanının 75 illiyi ilə bağlı şəhərin görkəmli yerlərindən birində Gəncə üsyanında həlak olmuş həmyerlilərin xatirəsinə abidə ucaldılması haqqında sərəncam imzalayıb. Üsyanı rəhbərlərinin adlarının əbədiləşdirilməsi məsələlərinə baxmaq isə Gəncə şəhər İcra Hakimiyyəti yanında fəaliyyət göstərən “Adların əbədiləşdirilməsi” üzrə komissiyaya həvalə edilib. Abidəsinin qoyulması üçün Gəncənin Quru Qobu adlanan ərazisi seçilib və həmin yerə burada gələcəkdə abidənin ucaldılacağı barədə ağ mərmərdən lövhə vurulur. Üzərindən illər keçsə də üsyanı əbədiləşdirmək üçün abidə qoyulmayıb.<ref>{{cite web|url=http://www.gancapost.info/g-nc-usyani-il-bagli-g-nc-d-abid-ucaldilmalidir-h1369.htm|archiveurl=https://archive.ph/qRbLS|archivedate=19 may 2020|title=“Gəncə Üsyanı ilə bağlı Gəncədə abidə ucaldılmalıdır”|date=6 yanvar 2020|publisher=gancapost.info |accessdate=19 may 2020}}</ref>