Kurosava 23 mart 1910-cu ildə [[Tokio]]nun [[Omori |Omori]] rayonunun [[Oymaçi stansiyası]] yaxınlığında anadan olmuşdur.<ref>{{Harvnb|San Juan|2018|p=xi}}</ref> Atası İsamu (1864-1948) [[Akita prefekturası]]nda [[samuray]] ailəsindən idi və ordunun Fiziki Tərbiyə İnstitutunun [[Yaponiyada orta təhsil|orta məktəb]]ində direktor kimi işləmişdir. Anası Şima (1870-1952) isə [[Osaka]]da yaşayan bir tacir ailəsinin qızı idi.<ref name="Harvnb|Galbraith|pp=14–15">{{Harvnb|Galbraith|pp=14–15}}</ref> Akira elə də kasıb olmayan səkkizuşaqlı ailənin ən kiçik övladı idi. Kurosava anadan olanda artıq ailənin iki övladı yetkinlik yaşına çatmış, biri isə ölmüşdü. Kurosava üç bacısı və bir qardaşı ilə böyümüşdür.<ref name="Harvnb|Galbraith|pp=14–15" /><ref name="Kurosawa 1983 17">{{Harvnb|Kurosawa|1983|p=17}}</ref>

İsamu Kurosava fiziki tərbiyəni təşviq etməklə yanaşı [[Qərb|Qərb ənənələrinə]] də maraq göstərirdi və teatr ilə film sahələrinin tədris edilməli olduğunu düşünürdü. O, uşaqlarını filmlərə baxmağı həvəsləndirirdi. Balaca Akira ilk filmini altı yaşında izləmişdir.<ref>{{Harvnb|Kurosawa|1983|pp=5–7}}</ref> Akiraya təsir edən əsas şəxslərdən biri ibtidai məktəb müəllimi Taçikava idi. Onun proqresiv təhsil praktikaları Akirada rəsmə və təhsilə maraq oyatmışdır.<ref>{{Harvnb|Kurosawa|1983|pp=12–13}}</ref> Bu zaman Akira [[kalliqrafiya]] və [[kendo]] ilə də məşğul olurdur.<ref>{{Harvnb|Galbraith|p=16}}</ref>

Akiraya təsir edən digər şəxs isə 4 yaş böyük qardaşı Heyqo Kurosava idi. 1923-cü ildə baş verən [[Böyük Kanto zəlzələsi]]ndən sonra Heyqo 13 yaşlı Akirayı dağıntılara baxmağa aparmışdır. Akira ətrafa saçılmış insan cəsədlərinə və heyvan leşlərinə baxmaq istəməyəndə Heyqo ona bunu etməməyə qadağan etmiş, əvəzində qorxuları ilə birbaşa üzləşməyə cəsarətləndirmişdir. Bəzi şərhçilər bildirirlər ki, bu hadisə Kurosavanın karyerasına təsir etmişdir. Çünki Kurosava nadir hallarda öz işlərində xoş olmayan həqiqətləri təsvir etməkdə tərəddüd etmişdir.<ref>{{Harvnb|Kurosawa|1983|pp=51–52}}</ref><ref>{{Harvnb|Prince|p=302}}</ref>

Heyqo akademik baxımdan uğurlu olsa da, Tokionun tanınmış məktəblərinin birinə qəbul ola bilmədikdən sonra özünü ailədən ayırmış və xarici ədəbiyyata diqqətini yönəltmişdir.<ref name="Kurosawa 1983 17" /> 1920-ci illərdə Heyqo Tokioda xarici filmlər nümayiş etdirən kinoteatrlarda [[benşi]] kimi işləməyə başlamış və tanınmağa başlamışdır. Həmin dövrdə rəssam olmağa qərar verən Akira qardaşı<ref>{{Harvnb|Kurosawa|1983|pp=70–71}}</ref> ilə birlikdə köçmüş və iki qardaş ayrılmaz qalmışdılar.<ref name="Galbraith IV 2002 19">{{Harvnb|Galbraith|p=19}}</ref> Heyqonun köməyi ilə Akira təkcə filmlər yox, teatr və sirk tamaşalarına da maraq göstərmişdir.<ref>{{Harvnb|Kurosawa|1983|pp=72–74, 82}}</ref> Akira Proletarian Rəssamlar Liqası üçün işləyir və rəsmlərini nümayiş etdirir. Lakin o, heç vaxt rəssamlıqla istədiyi pulu qaza bilməmişdir və proletarian cərəyanı "baş tutmamış idealları birbaşa kətanda təsvir etmək" kimi qəbul etməyə başlamışdır. Sonda rəssamlığa olan marağını itirmişdir.<ref>{{Harvnb|Kurosawa|1983|p=77}}</ref>

1930-cu illərdə Yaponiyada [[səsli film]]lərin sayı artmağa başladıqdan sonra Heyqo kimi benşilər öz işlərini itirmişdirlər və Akira öz ailəsinin yanına qayıtmışdır. 1933-cü ilin iyulunda Heyqo intihar etmişdir. Kurosava bu hadisədən yarım əsr sonra yazdığı ''"[[Avtobioqrafiya kimi bir şey]]"'' adlı bioqrafiyasının "Danışmaq istəmədiyim bir hekayə" fəslində bu itki zamanı hiss etdiklərini təsvir etmişdir.<ref>{{Harvnb|Richie|1999|p=11}}</ref><ref name="story">{{Harvnb|Kurosawa|1983|p=84}}</ref> Bu hadisədən 4 ay sonra Kurosavanın ən böyük qardaşı da ölmüşdür. Akira 23 yaşında bir qardaşı və üç bacısı ilə qalmışdır.<ref name="Galbraith IV 2002 19" /><ref name="story" />