Tehran Əlişanoğlu 1960-cı il yanvar 16-da [[Bakı]] şəhərində dünyaya gəlmişdir. 1978-1983-cü illərdə Azərbaycan Dövlət Universitetinin (hazırkı BDU-nun) filoloji fakültəsini bitirmişdir. 1983-1989-cu illərdə orta məktəb müəllimi, 1989-2006-cı illərdə [[Nizami adına Ədəbiyyat İnstitutu|AMEA Nizami adına Ədəbiyyat İnstitutunda]] elmi işçi, 1994-1996-cı illərdə Futurologiya İnstitutunun, 2001-dən bugünəcən Bakı Slavyan Universitetinin filoloji fakültəsində ali məktəb müəllimi kimi çalışır. Azərbaycan ədəbiyyatı kafedrasının əməkdaşıdır. 1993-1995-ci illərdə AMEA-nın '''«Elm» qəzetində,''' 1996-2004-cü illərdə Azərbaycan Yazıçılar Birliyinin '''''«[[Ədəbiyyat (qəzet, Azərbaycan)|"Ədəbiyyat qəzeti»"ndə''''']] baş redaktor müavini vəzifəsində çalışmışdır. Heç bir partiyaya üzv olmamışdır; 1998-ci ildə Azərbaycan Yazıçılar Birliyinə daxil olmuş, 2004-cü ildə öz ərizəsi ilə oranı tərk etmişdir.