{{digər məna|ADR}}

{{Tarixi dövlət}}

'''Almaniya Demokratik Respublikası''' (ADR, qeyri-rəsmi adı Şərqi Almaniya, Deutsche Demokratische Republik) — İkinci Dünya Müharibəsindən sonra Almaniyanın bölünməsi nəticəsində [[Mərkəzi Avropa]]da yaradılan keçmiş [[sosializm|sosialist]] dövləti. [[AFR]], ÇSSR (indiki [[Çexiya]]) və PXR (indiki [[Polşa]]) ilə həmsərhəd idi. Şimaldan [[Baltik dənizi]] ilə hüdudlanırdı. Sahəsi 108,2 min km., paytaxtı [[Berlin]] idi. Əsas şəhərləri [[Leypsiq]], [[Drezden]], [[Frankfurt-Oder]], [[Erfurt]], [[Rostok]] və [[Kotbus]] sayılırdı. ADR [[konstitusiya]]sı əvvəlcə 1949-cu il oktyabr ayının 7-də, sonra isə 1968-ci ildə qəbul olunmuşdu. Dövlət hakimiyyətinin ali orqanı əhalinin 5 il müddətinə seçdiyi Xalq Palatası idi. Xalq Palatası Dövlət Şurasının sədrini və üzvlərini, hökuməti (Nazirlər Şurası), Milli Müdəfiə Şurasının sədrini, Ali Məhkəmə üzvlərini və Baş prokuroru seçirdi.