'''Skandinaviya yarımadası''', tarixi qaynaqlarda '''Cəzirət əs-Səqləb''' (Cəzirətül Səqləb جزيرة الصقالب <ref>https://play.google.com/books/reader?id=FNsnAAAAYAAJ&hl=ru&pg=GBS.PP534 جزيرة الصقالب ا٣٣</ref>), '''Səqləb yarımadası''', '''İskandinaviya yarım cəzirəsi'''<ref>http://www.anl.az/down/meqale/525/2012/mart/237130.htm Ərəblinski başda olmaq üzrə bir dəstə bakılı aktyorları Ford macəralarından birini bir vəqt imdi İskandinaviya yarım cəzirəsində heyran və sərgərdan qalan Amerika sülh heyətinin gününə salmışdı.</ref>— [[Avropa]] qitəsinin ən böyük [[yarımada]]sı hesab edilir. Şimal-şərqdən cənub-qərbə doğru uzanmış bu yarımada 56° ilə 71° şimal enlikləri arasında yerləşir. Sahəsi təxminən 800 min km²-ə yaxındır. Şimalda [[Barents dənizi|Barents]], qərbdə [[Norveç dənizi|Norveç]], cənubda [[Şimal dənizi]], Skaqerrak və Katteqat boğazları, şərqdə isə [[Baltik dənizi]] və [[Botnik körfəzi]] ilə əhatə edilmişdir. Şimal-şərqdə [[Kola yarımadası]] ilə sərhədi ovalıq və təpəlik sahələrdən keçir. Botnik körfəzi geniş sahədə Skandinaviya yarımadasını [[Finlandiya]]nın ovalıq və düzənlik hissələrindən ayırır. Yarımadanın ərazisi tamamilə dağlarla əhatə edilmiş böyük bir massivi xatırladır. Cənubda [[Skagerrak]] və Oslo-fyord körfəzləri yarımadanı iki hissəyə: qərbdə Cənubi Norveç və şərqdə [[Skone yarımadası|Skone yarımadaları]]na ayırır. Hər iki yarımadanın mərkəz hissəsində künbəzəoxşar qalxma sahələri yerləşmişdir. Bu növ yüksəkliklər [[Cənubi Norveç yarımadası]]nda daha geniş sahəni tutur.