Şəhərin mərkəzi hissəsi [[Bakı buxtası]]na pilləli enən amfiteatrda yerləşir. Bakının dəniz sahili hissəsi okean səviyyəsindən təqribən 28 m aşağıdır. Bakı rayonu ərazisində faydalı qazıntılardan [[neft]], [[qaz]], tikinti materialları hasil edilir; müalicə əhəmiyyətli mineral sular çıxır. Çoxlu [[palçıq vulkanı]] var. İqlimi quru subtropikdir. Orta temperatur yanvarda 3-4 °C, iyulda isə 25-26 °C-dır. İllik yağıntı 300 mm-dir. Bakı üçün güclü şimal küləyi - [[xəzri]] və cənub küləyi - [[Gilavar (külək)|gilavar]] səciyyəvidir.

 

 

Bakı Qafqazda ən əhəmiyyətli turistik məkanlardan biri sayılır. 2014-cü ildə Bakı [[Forbes (jurnal)|Forbes]] jurnalının rusiyalılar üçün biznes qurulması sahəsində ən cəlbedici keçmiş SSRİ şəhərlərinin reytinqində top onluğa düşüb.<ref name=forbes/> 2015-ci ildə Bakı [[Lonely Planet]] nəşrinin səyahət edilməli ən maraqlı məkanların reytinqində 7-ci sırada, [[New York Times]] qəzetinin "2015-ci ildə səfər etmək üçün dünyanın ən yaxşı yerləri" reytinqində isə 51-ci yerdə qərarlaşıb.<ref name=newyorktimes/><ref name=lonelyplanet/> 2016-cı ildə [[TripAdvisor]] səyahət məsləhətçisi saytının topladığı rəy sorğusunda daha çox üstünlük verilən və inkişaf etməkdə olan turizm məntəqələri siyahısında Bakı şəhəri 5-ci yerdə qərarlaşıb.<ref name=tripadvisor/>