"Müsəlman demokratik "Müsavat" cəmiyyəti" adı ilə gizli fəaliyyət göstərən təşkilatın bir qolu da az sonra [[İran]]da qurulmuş və burada başlamış [[məşrutə inqilabınainqilabı]]na istiqamət verici rəhbər qüvvəyə çevrilmişdir. 1904-cü ilin axırlarında "Müsəlman demokratik "Müsavat" cəmiyyəti"nin əsasında RSDFP-nin Bakı komitəsinin nəzdində "Müsəlman sosial-demokrat "Hümmət" təşkilatı" yaradılmışdır. Bu təşkilatın baniləri [[Mir Həsən Mövsümov]], [[Məmməd Həsən Hacınski]] və Məhəmməd Əmin Rəsulzadə olmuşlar.<ref>[[Bakinskiy Raboçiy qəzeti]] N60, 18 mart, 1923-cü il</ref> [[Məşədi Əzizbəyov]], [[Nəriman Nərimanov]], S.M.Əfəndiyev və başqa inqilabçılar da 1905-ci ildən bu təşkilatın üzvü idilər. Təşkilatın ''"Hümmət"'' adlı qəzeti də nəşr edilmiş, 1904-1905-ci illər arası cəmi 6 nömrə buraxmış qəzetin əsas naşirlərindən biri də M.Ə.Rəsulzadə olmuşdur.