Bakı Came məscidi [[1899]]–cu ildə uçurulmuş<ref name="din">{{cite web|url=http://scwra.gov.az/structure/25/?İçərişəhər%20|title=İçərişəhər "Cümə" məscidi|author=|date=|work=|publisher=scwra.gov.az|accessdate=2014-09-29|language={{az}}}}</ref> və yerində Bakı milyonçusu, xeyriyyəçi [[Hacı Şıxəli Dadaşov]] tərəfindən yenisi inşa edilmişdir.<ref name="our">{{cite web|url=http://www.ourbaku.com/index.php5?title=Джума_мечеть_(Ичери-Шехер,_Баку)|title=Джума мечеть (Ичери-Шехер, Баку)|author=|date=|work=|publisher=ourbaku.com|accessdate=2014-09-29|language={{ru}}}}</ref>

 

Bir qədər mürəkkəb biçimli planı [[Bakı]] Came məscidinin bir neçə mərhələdə tikildiyini və ətrafı yaşayış məhəllələri ilə əhatə olunmuş məhdud ərazidə genişləndiyini göstərir. Onun başlıca dayaq bölümləri cənub hissəsində kvadrat biçimli ibadət salonu və şimal tərəfində minarədir. Onların arası müxtəlif ölçülü yerləşgə və kiçik iç həyətlərlə doldurulub. Məscidin özəyi və ən əski bölümü ibadət salonudur. İbadət salonu planda kvadrat biçimli olub quruluşuna görə [[Səlcuqlular]] dövrünün köşk tipli məscidlərinə bənzəyir. Onun örtüyü də arxaik biçimli idi. İçəridə iri daş lövhələrin üst-üstə kəsişərək yuxarıya doğru daralması yolu ilə yığılan və qaradam tipli yaşayış evlərinin örtü konstruksiyasına bənzəyən günbəz bayırdan konus biçimli olmuşdur. Bayır biçiminə görə bu günbəz XII yüzildə ucaldılan Marağa-Naxçıvan memarlıq məktəbi türbələrinin çadır örtükləri növündəndir. Günbəzin üst bölümünü örtən torvari bəzək motivinə Səlcuq dövrü memarlıq abidələrində ([[Şəmkir minarəsi|Şəmkir]], [[Qarabağlar türbəsi|Qarabağlar]] və [[Atabəylər Memarlıq Kompleksi|Atabəylər kompleksinin minarələri]], [[Marağa]]da [[Qırmızı gümbəz türbəsi]] və s.) sıx-sıx rast gəlinir. Günbəzin bəzəyində kaşının az işlədilməsi də həmin dövrün əlamətlərindəndir. Bu özümlüklərinə görə, eləcə də minarəsinin kürsülüyünə hörülmüş tikinti kitabələrinin ən əskisinin XII yüzilə aid edilməsini nəzərə alan tanınmış alim [[Cəfər Qiyasi]] Bakı Came məscidinin əski günbəzli salonunun həmin əsrdə tikildiyi qənaətinə gəlir.<ref name="our" />