== Mədəniyyət ==

[[1920]]-[[1930]]-cu illərin [[Azərbaycan SSR|Sovet Azərbaycanı]] memarlığı üçün [[konstruktivizm]] ideyasının hakim olması xarakterikdir. Həmin dövr memarlar Aleksey Şusev, Vesnin qardaşları, S.S.Pen, Q.M.Ter-Mikelov, həmçinin memar [[Mikayıl Hüseynov]]un yaradıcılığının erkən dövrü ilə əlaqəlidir. 1934-cü ildə Azərbaycan Kommunist Partiyası Mərkəzi İcrayə konstruktivizm üslubunu tənqid edən və milli memarlıq ənənələrinə qayıtmağa çağıran qərar verdi.<ref name="Усейн">{{cite news | title=The Soviet Period of Architecture in Azerbaijan| author=''Ilham Aliyev''|publisher=Azerbaijan International| url=http://azer.com/aiweb/categories/magazine/64_folder/64_articles/64_useynov.html| date=Winter 1998 }}</ref> Konstruktiv stil Azərbaycanda oturuşmağa imkan tapmamış, 30-40-cı illərdə yaradıcılığında klassik memarlıq ənənələri və milli memarlığın elementlərini birləşdirən [[Sadıq Dadaşov|S.A.Dadaşov]], V.A.Munts və Mikayıl Hüseynovun təsiri Azərbaycan memarlığında hiss edilməyə başlayır. Bu sırada Mikayıl Hüseynovun yaradıcılığı xüsusilə fərqlənir. Həmin dövrün “klassik-milli memarlıq üslubu”nda inşa edilmiş əsərlər arasında [[Hökumət Evi]] (1934), [[Bakı Musiqi Akademiyası]] (1936), [[Azərbaycan Milli Kitabxanası]] (1947), [[Nizami Gəncəvi adına Milli Azərbaycan Ədəbiyyatı Muzeyi|Milli Ədəbiyyat Muzeyi]] (1940), [[AMEA]] binası (1948-1960) xüsusilə diqqəti cəlb edir. [[1936]]-cı ildə [[Azərbaycan Memarlar İttifaqı]]nın əsası qoyulmuşdur. [[1969]]-[[1982]]-ci illərdə ölkəni idarə etmiş [[Azərbaycan Kommunist (bolşeviklər) Partiyası|Azərbaycan KP MK]]-nın birinci katibi [[Heydər Əliyev]] Azərbaycan memarlarını müasir və milli memarlıq elementlərini öz yaradıcılıqlarında birləşdirməyə çağırmışdı.<ref name="Усейн"/> Həmin dövrün memarlıq nümunələri arasında [[Bakı metropoliteni]]nin [[Nizami metrostansiyası|Nizami]] (1970) və [[Elmlər Akademiyası metrostansiyası|Elmlər Akademiyası]] (1976) stansiyaları, Zaqulba qonaq evi, [[Azadlıq prospekti (Bakı)|Azadlıq prospektindəki]] yaşayış binaları, Gəncədə Kəpəz oteli (1973), Bakıda [[JW Marriott Absheron|Abşeron oteli]] (1965) diqqət çəkir.