Azərbaycanın sərhəddaxili və quru limanlarından fərqli olaraq yeni Azad Ticarət Zonası (ATZ) beynəlxalq multimodaldaşıma sistemində və Azərbaycandan keçən Avrasiya təchizat zəncirində aparıcı rol oynayacaq. Dayanaqlı yerli və regional logistika şəbəkəsi, eləcə də, logistika bazarı Ələt liman layihəsi üçün sağlam əsas təmin edəcək.

 

 

ATZ 100 hektarlıq ərazini əhatə edən yeni liman daxilində yerləşir. Yeni Liman Azərbaycanda Şimalla Cənubu, Şərqlə Qərbi birləşdirən əsas dəmiryolu kəsişməsində tikildiyindən, ATZ-da dəmiryoluna çıxış olacaq.  Multimodal tranzit logistika qovşağı kimi xidmət göstərən yeni liman və ATZ regionda geniş spektrli əlavə dəyər xidmətləri təmin etməklə Mərkəzi Avrasiyanın konsolidasiya və paylama xidmətləri göstərən əsas mərkəzinə çevriləcək. Başqa sözlə desək, Ələtdə inşa ediləcək ATZ təchizat zəncirində bir nöqtə kimi çıxış etmək əvəzinə, Cənubi Qafqaz, Mərkəzi Asiya, İran, cənubi Rusiya və Türkiyənin çoxşaxəli bazarlarına xidmət göstərməklə konsolidasiya, konsentrasiya və paylama xidmətləri üzrə regionun əsas mərkəzinə çevrilir . Bundan əlavə, Xəzər dənizi regionunun ən böyük logistika zonası olmağa çalışan ATZ regionda əsas çoxşaxəli paylama qovşağı kimi çıxış edərək öz sakinlərinə və beynəlxalq müştərilərə hərtərəfli logistika xidmətləri təklif edir. Əksər istehsalçıların, hal-hazırda, öz məhsullarına son toxunuşu (məsələn istehlakçı bazarına yaxın ərazidə yerləşən ATZ kimi paylama mərkəzlərində) etməyə üstünlük verdiyini nəzərə alaraq ATZ-də əlavə dəyər logistika xidmətlərinin təmin edilməsi daha cəlbedici faktor kimi çıxış edir. Bu zona Ələtdə yerləşən Bakı Limanı və Azərbaycan üçün qeyri-neft ticarətini canlandırmaqla yanaşı limanı idxal/ixrac, tranzit daşıma və logistika kimi üç əsas xidmətlər sahəsində regionun logistika liderinə çevirəcək.