|
Ən nəhayət Miri Yusifin çoxdan bəri gözlənilən möhtəşəm konserti isə İyun ayının 28-i Yaşıl Teatrda tamaşaçıları bir araya topladı. 3 saata yaxın açıq havada davam edən konsertdə 2000-ə yaxın tamaşaçı iştirak etdi.
2013-cü ilin sonlarına yaxın “Ağ Qarğa” albomu dinləyicilərə Heydər Əliyev adına Sarayda keçirilən canlı konsertdə təqdim olundu. Albomun musiqi prodüsseri “Nirvana”da olduğu kimi Emin Kərimidir. Albomda bir sıra yeni bəstələr yer aldı, o cümlədən retro mahnılardan biri olan “Küçələrə Su Səpmişəm” tam fərqli tərzdə muğam və rokla sintez olunaraq ifa olundu. Həmçinin alboma daxil olan “İki Doğma İnsan” mahnısı “İlin mahnısı” mükafatını qazandı.
2014-cü il 13 və 14 İyunda Yaşıl Teatrda “Yayın Ən Böyük” konserti reallaşdı. İki gün ərzində anşlaqla keçən solo konsertdə 4000-dən çox dinləyici iştirak etdi.Ən son illərdə 2016-cı ilin İyul ayinin 8-9-u "2 GÜN Solo Konsert" adli konsert proqramiynan "Yaşil Teatr "da cıxış etdi ve bütün teatr bir denede boş yer qalmamışdı.1 Mart 2017-ci ildə Elektra Events Hall-da baş tutan "Ad Günu" adli canli solo konsert kecdi və bütün Miri Yusif sevənlər bu konsertə axin etdilər.Bu konsertlər arasinda 24 Noyabr 2017-ci ildə Böyük Britaniyada (The QUBE PROJECT) adli məkanda MİRİ YUSiF in konsertini bas tutdu (Dj China istiraki ilə). Həmçinin MİRİ YUSİF çox vaxt "Eleven" adli night clubda tez-tez canli solo konsert verir.
27 sentyabr Crystall Hall-da 35000 nəfərin iştirakı ilə gerçəkləşən Fanta Gənclik Festivalında Miri Yusif də çıxış etdi. Fanta Gənclik Festivalında Miri Yusif öz sevənlərinə sevilən hitlərini canlı olaraq oxudu. Miri Yusifin növbəti ən-ənəvi payız klub konserti 19 oktyabrda Eleven Lounge-da baş tutdu. Öz solo fəaliyyəti dövründə yazdığı sevilən hitlərini tamaşaçılara oxuyan Miri Yusif konserti anşlaqla bitirmişdir.
Miri Yusif səhnə fəaliyyəti ilə yanaşı ictimai fəaliyyətlə də məşğul olurdu. 2014-cü ilin dekabr ayının sonunda sosial şəbəkələrdə aparılan səsvermə nəticəsində Miri Yusif digər sənət yoldaşlarını geridə qoyaraq Soyuq əllər İsti Ürək adlı xeyriyyə yarmarkasının meri seçildi və aktiv şəkildə ictimaiyyəti xeyriyyə tədbirində fəal olmağa səslədi. Açıq havada təşkil olunan həmin yarmarkanın açılış günündə Miri Yusif “Ehtiyac” klipni tamaşaçılara təqdim etdi. Adi çəkilən klip sosial mövzuda olub kimsəsiz uşaqlar problemini ictimaiyyətin diqqətinə çatdırmaq məqsədi daşıyırdı.
Miri Yusif 9 illik solo fəaliyyətinin hesabat konsertini 10 Yanvar 2015-ci ildə Heydər Əliyev adına Sarayda vermişdir. Konsert 3 saata qədər davam etmişdir və 40-a yaxın mahnılar canlı olaraq səslənmişdi. Miri Yusifin Hesabat Konsertində xanəndə Pərviz Qasımov və Dəyirman qrupunun üzvləri ABD.Malik və L-mir səhnəni Miri Yusiflə birgə bölüşmüşdür. Daha sonra konsertin video görüntüləri əsasında hazırlanan “Özəl” mahnısı 26 Yanvar BMF-in rəsmi youtube kanalında dinləyicilərə təqdim olunmuşdu. Miri Yusifin baş rolda çəkildiyi “Yarımdünya” filmi “Red Socks” production şirkəti tərəfindən istehsal olunaraq 9 aprel paytaxtın kinoteatrlarında tamaşaçılara təqdim edildi. Kinonun çəkilişləri Yanvar və Fevral ayında aparılmışdır. “Yarımdünya” filmi Miri Yusifin eyniadlı mahnısından ilhamlanaraq çəkilmiş və gənc yaşda həyatını itirmiş Miri Yusifin meneceri Vüqar Əbdülrəhmanova ithaf olunmuşdur. Miri Yusifin bu kinodakı rolu həyatda da olduğu kimi musiqiçi idi və kinoda səslənən mahnıların əksəriyyəti Miri Yusifə məxsus idi. Yarımdünya kinosunun rəsmi soundtracki Miri Yusifin “İstə” mahnısıdır.
2015-ci ilin May ayında yayımlanan “Ağ Təyyarə” mahnısı Miri Yusifin yaradıcılığı ərzində yazdığı ən sevilən hitlərdən birinə çevrildi. “Ağ Təyyarə” mahnısı təqdim olunan andan tezliklə insanlar tərəfindən bəyənilmiş və uğurla qarşılanmışdır. Miri Yusifin öz dediyinə görə bu mahnı onun xarici ölkələrə təyyarə ilə olan səfəri zamanı yaranmışdır və bu təyyarə ilə olan uzaq səfərlərdən təsirlənərək “Ağ Təyyarə” mahnısını yazmışdır. “Ağ Təyyarə” mahnısı klipi ilə birlikdə 9 May Youtube video şəbəkəsi vasitəsilə yayımlanmışdır. Klip indiyə qədər 2 milyona yaxın baxış sayı əldə etmişdir. Bu mahnı ilə Miri Yusif TMB TV kanalında dəfələrlə Fan yarışlarında birinciliyi əldə etmişdir.
İctimai fəaliyyətinə davam edən Miri Yusif Bakı 2015 Avropa Oyunlarının ulduz səfiri təyin edildi. Basketbolun 3x3 növü üzrə səfir təyin edilən Miri Yusif bu idman növünün ictiamiyyət arasında təbliğinə və ümumilikdə aktiv həyat tərzinin yayılmasına töhfə verdi.
Miri Yusifin Yaşıl Teatr səhnəsindəki 3cü solo konserti 25 İyul 2015-ci ildə baş vermişdir. Öncəki konsertlə müqayisədə bu konsertdə oxunulan mahnıların sayı daha çox idi. “Ağ Təyyarə”, “İstə” və “Özəl” mahnısı ilk dəfə məhz bu konsertdə canlı olaraq oxundu. Anşlaqla və böyük izdihamla keçən bu konsertə 2000-ə yaxın insan qatıldı. Əvvəlki konsertlərdən fərqli olaraq bu konsertin çəkilişi bütöv olaraq heç bir televiziya tərəfindən aparılmadı. Konsertin yalnız müəyyən görüntüləri Ronin Agency tərəfindən çəkildi və daha sonra qısa video xülasə şəkilində təqdim olundu.
Miri Yusifin uzun zamandan bəri gözlənilən mahnısı “Sən Hara Bura Hara” klipi ilə birlikdə Dekabr ayında dinləyicilərə təqdim olundu. Klipdə Miri Yusif ilk dəfə oğlu Mirhüseynlə birlikdə çəkildi. Onun dediyinə görə, “bir qədər düşündükdən sonra qərara aldım ki, bu mahnıya oğlumu çəksəm daha yaxşı olar”. Bu mahnı “Ağ Təyyarədən” sonra 2015-ci ildə çıxan ikinci sevilən hit oldu və bir neçə dəfə “ATV Maqazin Onlarla” verilişində müxtəlif yerli ifaçilar bu klipi Hit Parad rubrikasında birinci yerə layiq gördülər.
2015-ci ili Miri Yusif 25 Dekabr Elektra Hall-da verdiyi “Ağ Təyyarə” konserti ilə yekunlaşdırdı. “Ağ Təyyarə” konserti Miri Yusifin indiyə qədər olan klub konsertləri içərisində ən böyüyü olmuşdur. Buna səbəb Elektra Hall-ın zal baxımından böyük olması və daha çox tamaçaçının qatıla bilməsi ilə bağlıdır.
Miri Yuifin Röya ilə duet oxuduğu “Səndən 1 Dənədir” mahnısı 22 İyun 2016-cı ildə dinləyicilərə təqdim olundu. “Səndən Bir Dənədir” mahnısı yayımlandığı gündən qısa zamanda hitə çevrildi və dinləyicilərin sevdiyi bir mahnıya çevrildi.Bu mahnı youtube video şəbəkəsində 2 ay ərzində 3 milyona yaxın baxış sayı toplamaqla rekorda imza atdı.
Miri Yusifin Yaşıl Teatrda verdiyi sayca 4-cü konserti 8-9 İyul 2016-cı ildə baş tutdu. Konsert iki gün olduğuna görə, adı da sadəcə #2GÜN olaraq adlandı. İki gün keçən möhtəşəm konsertdə “Qal” mahnısını Miri Yusiflə duet oxumaq üçün Nigar Camal, “Bomba Kimi” mahnısını oxumaq üçün isə Russiyadan gələn DJ Matuya səhnədə çıxış etdi.
== Musiqi üslubu ==
<br>2012 [[Nirvana (Miri Yusif albom)|''Nirvana'']]
<br>2013 [[Ağ Qarğa (Miri Yusif albom)|''Ağ Qarğa'']]
2017 Rastaman
== Filmoqrafiya ==
* ANA.ANNE.МАМА.MOTHER.MADRE.MAMAN.أمي (ananın oğlu) <ref>[http://www.1news.az/bomond/bomaz/20130114115411592.html Мири Юсиф и «Мисс Азербайджан 2012» снялись в фильме «Мама» - ВИДЕО, 14.01.2013] İstifadə tarixi: 19.12.2014</ref><ref>[http://allmag.az/articles/view/miri-yusif-mn-tarix-allmag-istrdim Miri Yusif: Mən Tarix Allmag istərdim!] İstifadə tarixi: 19.12.2014</ref>
|