Üçüncü məsələ barədə çıxış edən Milli Şura üzvü [[Xəlil bəy Xasməmmədov]] öz məruzəsində Azərbaycanın Müstəqil Cümhuriyyət elan edilməsinin vacibliyini və təxirəsalınmazlığını əsaslandırdı.<ref name=protokol/> [[Nəsib bəy Yusifbəyli]], [[Əkbər ağa Şeyxülislamov]], [[Mir Hidayət bəy Seyidov]] və başqaları da bu ruhda çıxış etdilər.<ref name=protokol/> Şuranın üzvü [[Fətəli xan Xoyski]] yerlərdə bir sıra məsələlər aydınlaşdırılana qədər Azərbaycanın müstəqilliyinin elanını təxirə salmağı, digər ölkələrlə sülh danışıqları aparmaq üçün tam hüquqlu hökumət yaratmağı təklif etdi.<ref name=protokol/> Bu barədə bir sıra natiqlər də öz fikirlərini bildirirlər.<ref name=protokol/> Məsələnin işgüzar şəkildə və ətraflı müzakirəsindən sonra 24 nəfər təxirə salınmadan Şərqi və Cənubi-Şərqi Zaqafqaziyada Azərbaycanın Müstəqil Xalq Cümhuriyyəti kimi elanı barədə qərar qəbul etdi.<ref name=protokol/> İki nəfər — [[Sultan Məcid Qənizadə]] və [[Cəfər Axundov]] səsvermədə bitərəf qalırlar.<ref name=protokol/>

Sonra [[Azərbaycan Xalq Cumhuriyyəti Milli Şurası|Milli Şura]] şuranın üzvü [[Fətəli xan Xoyski|Fətəli xan Xoyskiyə]] [[Azərbaycan Xalq Cümhuriyyəti|Azərbaycan Xalq Cümhuriyyətinin]] birinci müvəqqəti hökumətini təşkil etməyi həvalə etdi.<ref name=protokol/> Bir saatlıq fasilədən sonra [[Fətəli xan Xoyski|F.X.Xoyski]] aşağıdakı şəxslərdən ibarət müvəqqəti hökumətin tərkibini elan edir:
# Nazirlər Şurasının sədri və Daxili İşlər Naziri - [[Fətəli xan Xoyski]];
# Hərbi Nazir - [[Xosrov bəy Sultanov]];
# Xarici İşlər Naziri - [[Mehdi bəy Hacınski]];
# Maliyyə və Xalq Təhsil Naziri - [[Nəsib bəy Yusifbəyli]];
# Ədliyyə Naziri - [[Xəlil bəy Xasməmmədov]];
# Ticarət və Sənaye Naziri – [[Məmməd Yusif Cəfərov]];
# Əkinçilik və Əmək Naziri – [[Əkbər ağa Şeyxülislamov]];
# Yollar və Posta-Teleqraf Naziri - [[Xudadad bəy Məlikaslanov]];
# Dövlət Müfəttişi - [[Camo bəy Hacınski]].<ref name="protokol" />