Tərlan Abdulla oğlu Əliyarbəyov 28 noyabr 1892-ci ildə Şamaxı şəhərində anadan olub, 1914-cü ildə [[Tiflis hərbi məktəbi]]ni bitirmişdir. 1914-1918-ci illərdə birinci dünya müharibəsində iştirak etmişdir. [[Şamaxı]] polku tərkibində rota və batalyon komandiri olan Əliyarbəyov alman cəbhəsində düşmənə qarşı döyüşlərdə iştirak etmişdir. Əlyarbəyov 1918-1919-cu illərdə musavat ordusunda polk komandirinin, Bakı şəhər rəisinin müavini olmuş, 1920-ci ildə [[Qızıl Ordu]]ya könüllü daxil olmuşdur. 1923-1929-cu illərdə Azərbaycan SSR hərbi komisarının köməkçisi və ərazi idarəsinin rəisi vəzifəsində çalışmışdır. 1927-ci ildə M.B. Frunze adına Hərbi Akademiya yanında Ali komanda heyyəti kursunu bitirmişdir. 1930-1938-ci illərdə Zaqafqaziyanın müxtəlif hərbi məktəblərində işləmişdir. 1941-ci ildə M.B. Frunze adına Hərbi Akademiyanı bitirmişdir. Əliyarbəyov Böyük Vətən müharibəsi illərində ]][[416-cı atıcı diviziya]]nın komandanı, 58-ci korpusun komandir müavini, 1944-cü idə general mayor rütbəsinəcən yüksəlmişdir. 1946-1948-ci illərdə Azərbaycan SSR maarif nazirinin müdafiə işləri üzrə müavini olmuşdur. Əliyarbəyov 1948-ci ildə istefaya çıxmışdır.