== Tarixçə ==

[[Şəkil:mirşahin.jpg|thumb|left|200px]]

[[1992]]-ci il martın 2-dən etibarən öz proqram ideyalarını həyata keçirməyə başladılar. Televiziya kimi onların ilk reportajları cəbhə xəttində baş verənlər idi. Yarandığı vaxtdan bu günə kimi ANS, [[Qarabağ müharibəsi]], [[Xocalı soyqırımı]], [[AXCP]] tərəfdarlarının "istefa" səsləri ilə Milli Məclis binasına silahla basqın etməsi və [[Ayaz Mütəllibov]]un istefası, [[Bakı metrosunda partlayışlar]] və [[1995-ci il Bakı metrosu yanğını|metrodakı yanğın]]ı, [[1994]] və [[1995]]-ci ildə dövlət çevrilişinə cəhdlər, [[Azərbaycan Dövlət Neft Akademiyasında terror hadisəsi|Neft Akademiyası]]ndakı terror, [[Əfqanıstan]], [[Çeçenistan]], [[İnquşetiya]], [[İraq]], [[Gürcüstan]], [[Misir]] və [[Türkiyə]] kimi ölkələrdə baş verən münaqişə və qarşıdurmalar kimi məsələlər ANS-in tarixində böyük yerə sahibdir. Məhz bu hadisələr [[BBC]], CNN, [[Euronews]], CBS, NBC, NHK, ITN, TBS, ZDF, RAI, ARD, WTN, RTL, Amerikanın Səsi, Azadlıq Radiosu və [[Rusiya]], [[İsveç]], [[Səudiyyə Ərəbistanı]], [[Türkiyə]] kimi ölkələrin media qurumlarının marağına səbəb olmuş və ANS-lə əməkdaşlıq etmişlər

 

[[1992]]-ci ildə [[Xəbərçi (veriliş, 1991)|Xəbərçi]] verilişinin bəzi buraxılışlarında [[ermənilər]]in baş verənlərdən doğru xəbərləri olsun deyə [[erməni dili]]ndə sujetlər yayımlanırdı. Bu məsələ bəzi partiyalar tərəfindən etirazla qarşılanmışdı. Artıq həmin il ANS-in efirində reklamlar yayımlanırdı. O ildə televiziyanın fəaliyyəti bir müddət dayandı.

O ildə jurnalist [[Çingiz Mustafayev]] [[Azərbaycan Televiziyası]]nda çıxış edərək [[Şuşa]]nın işğal xəbərini çatdırmaq istəyirdi. Lakin [[Azərbaycan Respublikası Müdafiə Nazirliyi|Müdafiə Nazirliyi]]nin əməkdaşları verilişin efirə çıxmaması üçün əllərindən gələni edirdilər. [[Çingiz Mustafayev|Çingiz]] çıxış yolunu ANS-də gördü və ANS-in efirinə çıxıb "nə qədər çətin də olsa bilməliyik ki, [[Şuşa]] mayın 8-dən [[ermənilər]]in əlindədir" deyərək xalqı [[Şuşanın işğalı]]ndan xəbərdar etdi.

 

[[1993]]-cü ildə, yəni [[AXCP]] hakimiyyəti dövründə kanalın yayımı dayansa da [[Vahid Mustafayev]], [[Seyfulla Mustafayev]] və [[Mirşahin Ağayev]] üçlüyü işlərini davam etdirirdilər. Həmin ilin [[mart]] ayında ([[Kəlbəcər]]in işğalından təxminən 1 həftə əvvəl) [[Mirşahin Ağayev]] prezident [[Əbülfəz Elçibəy]]dən müsahibə almışdı. Həmin müsahibə 21 il sonra yayımlandı. [[6 aprel]] [[2014]]-cü il tarixində [[Mirşahin Ağayev]] "Hesabat" verilişində müsahibənin efirə getməmə səbəbini açıqlamışdı: "Əbülfəz Elçibəy müsahibədən sonra soruşdu ki, müsahibə nə vaxt yayımlanacaq, biz isə cavabımızda "cənab prezident, ANS-in fəaliyyətini bərpa edəcəyiniz vaxt, axı biz efirdə deyilik, telekanalı bağlamısız" deyə cavab verdik və ANS bir də [[1993]]-cü ilin iyul ayında açıldı, onda da artıq gec idi, biz bir də Elçibəy ilə Kəlbəcər məsələsinə [[2000]]-ci ildə toxunduq və o [[Kəlbəcər]]i qoruya bilmədiyinə görə xalqdan üzr istədi". <ref>https://www.youtube.com/watch?v=KkV53RoD174</ref> [[1993]]-ci ilin iyul ayında ANS-in fəaliyyətini [[Heydər Əliyev]] bərpa etdi.

Həmin ilin noyabr ayının 25-də hazırlıqlar var idi. Çünki növbəti gün [[Azadlıq meydanı (Bakı)|Azadlıq meydanı]]nda təşkil olunacaq konsertlə ANS 9 yaşını qeyd edəcəkdi. O axşam [[Bakı]]da zəlzələ baş verdi. O çətin gecədə ANS işində idi və xalqı məlumatsız qoymadı.

 

 

[[Azərbaycan Respublikası Prezident seçkiləri (2003)|2003-cü il prezident seçkiləri]] vaxtı [[Azadlıq meydanı (Bakı)|Azadlıq meydanı]]nda baş verən [[2003-cü il Azərbaycan etirazları|etirazlar]] barədə xəbəri də ətraflı şəkildə tamaşaçıya çatdırdı.

 

[[2006]]-cı il [[noyabr]]ın 24-də [[MTRŞ]] ANS TV və [[ANS ÇM]]-in fəaliyyətinin dayandırılması haqqında press reliz yaydı. "Xəbərçi"nin 15:00 buraxılışında Afət Telmanqızı efirə çıxaraq ANS-in əvvəl analoq yayımının, sonra isə peyk yayımının dayandırıldığını bildirdi.<ref>https://www.youtube.com/watch?v=JIb6URX4ur0</ref> <ref>http://www.mediaforum.az/az/2006/11/24/ANS-TELEV%C4%B0Z%C4%B0YASININ-v%C9%99-RAD%C4%B0OSUNUN-F%C6%8FAL%C4%B0YY%C6%8FT%C4%B0-DAYANDIRILDI-045102706c.html#.VSrHV_msW6g</ref>ANS televiziyası və radiosu 17 gün efirdə olmadı. [[29 noyabr]] [[2006]]-cı ildə prezident [[İlham Əliyev]] təyyarəsində [[Azərbaycan Televiziyası]]na müsahibə verdi. Müsahibədə mətbuat azadlığından da danışmışdı. Və müsahibədə "ANS ilə bağlı yaranan məsələlər müzakirə mövzusudur, məsələyə siyasi nöqteyi nəzərindən yanaşmaq olmaz, mən həmişə ANS-in yanında olmuşam" dedi. Dekabrın 10-da Milli Televiziya və Radio Şurası bəyan etdi ki, Azərbaycan Respublikasının Prezidenti İlham Əliyevə ünvanlanmış müraciətləri, həmçinin ANS Şirkətlər Qrupunun çoxsaylı kollektivinin müraciətini nəzərə alaraq ANS-in yenidən efirə qayıtması barədə qərar çıxardı. 1 il sonra isə [[Mirşahin Ağayev|Mirşahin]] bu barədə sənədli film hazırladı.<ref>https://www.youtube.com/watch?v=2Y0WkonMbnw</ref>

 

[[2011]]-[[2012]]-ci illərdə [[Ərəb baharı|Misirdə baş verən iğtişaşlar]]a görə [[Vahid Mustafayev]] [[Misir]]ə getmiş və ordan canlı bağlantı ilə ətraflı məlumatlar çatdırmışdı.

 

== Yayım ==