Sosialist İnternasionalı - beynəlxalq qeyri-hökumət təşkilatı, demokratik-sosializm təmayüllü siyasi partiyaların ümumdünya asosiyasiyası. Təşkilatın üzvləri əsasən demokratik-sosialistlər, sosial demokratlar, leyboristlərdən və digərlərindən ibarətdir.

Əmək və Sosialist İnternasionalının varisi kimi 1951-ci ildə yaradılsa da, təşkilatın kökləri XIX əsrə gedib çıxır. İlk öncə əsasən Qərbi Avropa ölkələrindən olan partiyaların dominant olduqları təşkilat hal-hazırda 100-dən çox ölkədən 160-dan çox üzvə malikdir. Təşkilata üzv partiyalar, Avropa ölkələri də daxil olmaqla bir çox ölkələrdə tam və ya koalisiya tərkibində siyasi hakimiyyətdə olmuşdur. Avropa Sosialistləri Partiyası (ümumavropa miqyaslı partiya) və Avropa İttifaqı Parlamentindəki qruplardan biri olan Sosialistlər və Demokratların Proqressiv Alyansı da Sosialist İnternasionalla bağlı təşkilatlardır.

1989-cu ildən etibarən Sosialist İnternasionalının baş katibi postunu Luis Ayala (Çili) icra edir. Təşkilatın hal-hazırki prezidenti səlahiyyətləri Yunanıstanın keçmiş baş naziri Qeorqies Papandreu-ya aiddir.