Silinən məzmun Əlavə edilmiş məzmun
|
+zənginləşdirmə
|
→Həyatı: + zənginləşdirmə
|
||
|
Sətir 24:
O, 1890-cı ildə filosof Gertrud Kinel ilə evlənir. Onlar sosial-maddi təlatümlərdən uzaq, burjua həyat tərzi sürmüşlər. Onların mənzilləri yaşadıqları dövrün ənənələrinə müvafiq olaraq, mədəni görüşlər yerinə çevrilmişdir. Onların bir oğlu olmuşdur - Hans Eugen
Zimmel fəlsəfə və tarixi Berlin Universitetində öyrənmişdir. O, 1881-ci ildə İmmanuel Kantın maddi fəlsəfəsi mövzusunda tezislərinə görə doktorluq dərəcəsi almışdır. Bu tezislər sonradan nəşr edilən "Kantın fiziki mondologiyasına əsasən maddənin təbiəti" adı ilə nəşr edilən əsərin tərkib hissəsi olmuşdur.
1885-ci ildə aşağı elmi dərəcə hesab edilən privat-dosent kimi Berlin universitetində rəsmi olaraq fəlsəfə mövzusunda mühazirələr oxumağa başlasa da, qeyri-rəsmi olaraq, etika, məntiq, pessimizm, incəsənət, psixologiya və sosiologiya sahəsində də mühazirələrlə çıxış etmişdir. Onun mühazirələrinin populyarlığı təkcə universitet divarları ilə məhdudlaşmamış, Berlinin intellektual elitasının diqqətini də çəkə bilmişdir.
G.Zimmelin Maks Veber, Henri Rikkert, kimi məşhur akademiklərin güclü dəstəyini almasına baxmayaraq, o, uzun müddət akademik autsayder olmuş, müraciətləri Almaniya universitetlərində vakant professer vəzifəsinə qəbul edilməmişdir. O, yalnız 1901-ci ildə ştatdankənar professor vəzifəsini ala bilmişdir. Bu vaxta kimi isə o Avropa və Amerikada geniş məşhurluq qazanmış və güclü maarif sahibi kimi tanınmışdır. Ona bu dərəcədə məşhurluq jurnallar və qəzetlərdə nəşr olunmuş məqalələri gətirmişdir.
O zamankı Almaniya intellektual elitasının Maks Veber, Rainer Mariya Rilke, Georq Ştefan, Edmund Husserl kimi görkəmli nümayəndələrinin dəstəklərinə baxmayaraq, onun akademik icma tərəfindən qəbul edilməsi çox ağrılı və çətin olmuşdur. Buna səbəb qismən onun yaşadığı dövrdə Prussiya Krallığında güclənməkdə olan antisemitizm olsa da, yazılarındakı sadəlik, sadə auditoriyaya istiqamətlənməsi akademik sosioloqlar tərəfindən yaxşı qarşılanmırdı. Nəticədə, professionallar tərəfindən onun işləri düzgün qiymətləndirilmirdi.
Zimmel incəsənət dairələrində kifayət qədər məşhur olmuşdur, amma heç bir zaman akademik fəaliyyətdən əl çəkməmiş, Ferdinand Tönnis və Maks Veberlə birlikdə Almaniya Sosiologiya Cəmiyyətinin həmtəsisçisi olmuşdur. Universitetdə fəaliyyəti ilə yanaşı sosial aktivlik nümayiş etdirməsi, incəsənət və fəlsəfənin qovşağında olan bir həyat tərzi sürməsi bəlkə də onun sələfinin incəsənət sahəsinə bağlı olan biri olmasıdır.
1914-cü ildə Zimmel o zaman Alman Universiteti hesab edilən Strasburq Universitetində adi professorluq dərəcəsi alsa da, bu qərar ona xoş gəlmədi. Birinci dünya müharibəsinin başlaması ilə universitet binasında bütün tədris prosesləri dayandırıldı və bina hospitala çevrildi. 1915-ci ildə Heydelberq universitetinə professor vəzifəsi üçün müraciət etsə də, müsbət cavab almadı.
Əvvəllər Zimel müasir tarixlə o qədər də maraqlanmasa da, müharibənin başlanması onun bu mövzuya marağını artırdı, "Avropa ideyası" və "mədəniyyət böhranı" haqqında danışmağa başladı. Nəhayət, müharibə Zimmeli də yordu və onun səhhətinə mənfi təsir etdi. O, müharibənin qurtarmasından qısa bir müddət öncə, 1918-ci ildə Strasburqda qaraciyər xərcəngindən vəfat etdi.
== Fikirləri ==
| |||