Əbudüləfilər adına ilk dəfə IX – X əsr ərəb müəlliflərinin - [[Bəlazuri]], [[Təbəri]], İbn ən-Nədim və başqalarının əsərlərində təsadüf edilir. Həmin mənbələrdə qeyd edilir ki, IX əsrdə ərəb xilafəti qoşununa başçılıq edən sərkərdələrdən biri əl-Qasim ibn İsa əl-İcli Əbu Düləf olmuşdur.<ref name="Şərifli"/> Mənbələrdə həm də şair kimi tanınan bu şəxs [[Abbasilər]]in hakimiyyəti dövründə (IX əsrin I rübündə) Ərəb Xilafətinin şimal vilayətlərinə köçən və bu yerlərdə məskunlaşan ərəb nəsillərinin birindən idi. <ref name="Şərifli"/>Təbəri ''“Əbu Düləfin başçılığı altında olan könüllülər”''in [[Babək]]ə qarşı vuruşan ərəblərə qoşulub [[Bəzz qalası]]nın alınmasında iştirak etməsi haqqında məlumat verir.<ref name="Şərifli"/>