Ruslan Şamileviç Nurudinov (tatar. Ruslan Şamil ulı Nurudinov, Руслан Шамил улы Нурудинов; özb. Ruslan Shamil'evich Nurudinov; 24 noyabr 1991, Əndican) — özbək ağır atleti. 105 kq çəkiyə qədər kateqoriyada çıxış etmiş, 2016 Yay Olimpiya Oyunlarının, 2013-cü il dünya çempionatının qalibidir. İki qat Asiya çempionu, 2018 Asiya oyunlarının qalibi. Milliyətcə tatardır.
| Ruslan Nurudinov | ||||||||||||||
|---|---|---|---|---|---|---|---|---|---|---|---|---|---|---|
.jpg) | ||||||||||||||
| Şəxsi məlumatlar | ||||||||||||||
| Vətəndaşlığı | ||||||||||||||
| Doğum tarixi | 24 noyabr 1991 (33 yaş) | |||||||||||||
| Doğum yeri | ||||||||||||||
| Boyu | 1,83 m | |||||||||||||
| Çəkisi | 109 kq | |||||||||||||
| İdman növü | ağır atletika | |||||||||||||
|
Medallar
|
||||||||||||||
 Vikianbarda əlaqəli mediafayllar | ||||||||||||||
Bioqrafiyası
Ruslan Şamil və Gülçöhrə Nurudinovlar ailəsində anadan olub. Atası sürücü, anası həkim idi.
İdman karyerası
Ruslan Nuridinovun ən yüksək nailiyyəti 2016-cı il Rio-de-Janeyrodakı Olimpiya Oyunlarındakı qələbədir.
2013-cü ildə Polşada keçirilən dünya çempionatında Nurudinov ilk dəfə dünya çempionu oldu: birdən qaldırmada -190 kq, təkanda isə -235 kq nəticə göstərdi. Toplam 425 kq nəticə ilə də böyük qızıl medalı əldə etdi.
2014-cü ildə Almatıda keçirilən Dünya Çempionatında Ruslan Nurudinov Qazaxıstan və Rusiya ağır atletləri ilə birinci yer uğrunda gərgin mübarizə şəraitində dünya rekordunu müəyyən etdi: Təkanla 239 kq qaldırdı. Sonra rusiyalı David Bejanyan yeni dünya rekordunu müəyyən etdi - 240 kq. Nəhayət, qazaxıstanlı İlya İlyin yekun dünya rekordunu müəyyən etdi - 242 kq. Nəticədə Ruslan birdən qaldırmada (193 kq) birinci, təkanla qaldırmada üçüncü (239 kq), toplamda isə (432 kq) ikinci oldu.
Rio-de-Janeyroda keçirilən 2016 Yay Olimpiya Oyunlarında Nurudinov, diskvalifikasiya edilmiş İlyinin olmadığı halda birdən qaldırmada 194 kq nəticə ilə qazandı. Təkanda isə 237 kq çəki ilə olimpiya rekordunu müəyyən etdi. Cəmidə 431 kq ilə böyük qızıl medal qazandı.
2018-ci ilin noyabr ayında Aşqabadda keçirilən Dünya Çempionatında 109 kq çəki dərəcəsində çıxış etdi. 187 kq çəkini birdəfəyə qaldıra bilmədi. Lakin təkanda 227 kq çəki ilə kiçik bir bürünc medal qazana bildi.
Dopinq
22 dekabr 2018-ci ildə Beynəlxalq Ağır Atletika Federasiyasının dopinq-nəzarət xidməti Ruslanın 2012 London Olimpiyadasının dopinq nəticələrinin müsbət çıxdığını elan etdi. Onun qanında turinabol aşkar edilmişdir. İdmançını bir müddətlik yarışlardan uzaqlaşdırdılar.
2019-cu ilin may ayının sonunda İdman Arbitraj Məhkəməsi (CAS) Ruslan Nurudinovu 2012 Olimpiadasında antidopinq qaydalarını pozmaqda günahkar bildi. Ağır atletin Olimpiya nailiyyətləri, o cümlədən xalları ləğv olundu. Medallar və hədiyyələr müsadirə edildi.
İstinadlar
- ↑ (ing.).
- . 2018-11-11 tarixində . İstifadə tarixi: 2018-11-10.
- . 2018-07-25 tarixində . İstifadə tarixi: 2020-06-06.
- 2021-01-24 at the Wayback Machine (ing.)
- . 2018-12-23 tarixində . İstifadə tarixi: 2020-06-06.
- (rus). Газета.uz. 2019-05-28. 2019-06-02 tarixində . İstifadə tarixi: 2019-06-02.
- (ingilis). www.tas-cas.org. 2019-06-02 tarixində . İstifadə tarixi: 2019-06-02.