İstifadəçi:Fredo90, əvvəlcə yenə öz təşəkkürümü bildirirəm. İndi isə qaydalar haqqında öz fikirlərimi bildirirəm:

1. Məqalənin adlandırma qaydası məncə düzgündür. Amma bir sual yaranır: AzVikidə Azərbaycanda rəsmi buraxılmayan anime və manqalar haqqında bəzi məqalələr var ki, onlar indi yazılan qaydalara uyğun gəlmir. Məsələn, "Fullmetal Alchemist" deyəsən Azərbaycanda lisenziyalaşdırılmayıb. Elə isə qayda qəbul olunandan sonra gərək məqalənin adı dəyişdirilsin?

2. "Məqalənin məzmunu" bölməsində qeyd olunmalıdır ki, "Yaranma tarixi" bölməsi həm də "İstehsal" adlana bilər. Həmçinin "Məqalənin məzmunu" bölməsindəki qaydalarda dəyişiklik etmək lazımdır: "Əlavə bölmələr" yığışdırılmalı, əvəzinə "Media" bölməsinin yaradılması təklif olunmalı, həmin bölmənin içində də "Manqa", "Anime", "Video oyunlar", "Teleserial" kimi altbölmələrin yaradıla biləcəyi qeyd olunmalıdır.

3. Qeyd olunmalıdır ki, məqalənin mövzusundan asılı olaraq bəzi əlavə bölmələr yaradıla bilər (məsələn, Senzura)

4. "Məqalənin məzmunu" bölməsində "Feedback və tənqid" bölməsi sadəcə "Tənqid" adlandırılmalıdır. Bir də ki, qeyd olunmalıdır ki, lazım gələrsə "Təsirləri" adlı bölmə də yaradıla bilər.

5. "Personaj haqda məqalənin mündəricatı" haqqında da düzəlişlər olsa yaxşıdır: "Bioqrafiya" (və ya "Peyda olması") bölməsi də qeyd olunmalı, "Personajın təsviri" bölməsinin həm də "Profil" adlana biləcəyi bildirilməlidir.

6. "Personaj haqda məqalənin mündəricatı" bölməsinin həm də "İzah" adlana biləcəyi göstərilməlidir. "Personaj haqda məqalənin mündəricatı"nda həm də əlavələr artırmaq lazımdır. Məsələn, ola bilər ki, personaj bir neçə adla çıxış edir. (Məsələn, "Seylor Mun" seriyasının baş qəhrəmanı Usaqi Tsukino seriyada Seylor Mun, Yeni Kraliça Sereniti, Şahzadə Sereniti kimi adlarla və aspektlərlə çıxış edib) Buna görə də "Aspektlər və formalar" bölməsi də yaradıla bilər. Həm də ola bilər ki, personaj xüsusi güclərə sahib olsun. Bunun üçün də "Xüsusi güclər" (və ya "Xüsusi güclər və ya əşyalar" bölməsi yaradılsın, həmin bölmənin içində də çevrilmələri, döyüş texnikaları, silahları, əşyaları və s. kimi altbölmələrin yaradıla biləcəyi qeyd olunsun.

7. "Personaj haqda məqalənin mündəricatı"nda bir bölmənin də adı çəkilməlidir: "Qəbul və təsirləri".

8. "Personaj haqda məqalənin mündəricatı"nda qeyd olunmalıdır ki, personajdan asılı olaraq əlavə bölmələr də yaradıla bilər. Məsələn, Seylor Uran personajı bir çox ölkədə senzuraya məruz qaldığından ola bilməz ki, "Senzura" adlı bölmə yaradılmasın. Bu da qeyd olunmalıdır.

İstifadəçi:Fredo90, bu dəyişiklərlə razısız? Мурад 97, sizin də fikriniz maraqlıdır.--Serk@nl@nd 18:59, 5 noyabr 2015 (UTC)

1. Bu qayda həm ingilis, həm də rus vikipediyasında qəbul olunub. Azərbaycanda çox az anime və manqa lisenziyalaşıb, adı dıyişdirələcək məqalələr də o qədər çox deyil. 2. Razıyam. 3. Razıyam. 4. Razıyam. 5. Razıyam. 6. Birinci cümlə ilə razıyam. İkincidə personajların müxtılif adları müxtəlif tərcümələrlə bağlıdır və belə olduğda onu da qeyd etmək lazımdır. 7. Razıyam. 8. Razıyam. Lazımı dəyişiklikləri qeyd edin. Bir məsələyə də aydınlıq gətirmək istəyərdim - Polivanov ya Hepbörn? --Fredo90 (müzakirə) 19:30, 5 noyabr 2015 (UTC)

1. Gülməli şeylər yazırsınız, yoldaşlar) "Azərbaycanda çox az anime və manqa lisenziyalaşıb". Azərbaycanda lisenziya alan heç olmasa iki animenin adını yaza bilərsiniz mi? Ona görə də, məncə bu qayda bizdə iştəmiyəcək. Alternativ qaydalardan fikirləşməliyik. 2. Razıyam. 3. Razıyam 4. Razıyam. 5. Razıyam. 6. Razıyam. 7. Məncə, bəzən Qəbul və Təsirləri ayrı bölmələr kimi də ola bilərlər. 8. Razıyam. Transliterasiya məsələsi ilə əlaqədər fikirlərimi artıq bildirdim (Hepbörn). --Мурад 97 (müzakirə) 20:08, 5 noyabr 2015 (UTC)

İkincisi deyəsən, Qonşum Totoro idi. Xəzər TV-dən bir dəfə görmüşdüm. Azərbaycan dilinə tərcümə olunmuşdusa deməli bunu rəsmi tərcümə kimi hesab etmək olar. Əslində isə hə, Azərbaycanda anime və manqa mədəniyyəti çox yayılmayıb, yayılanlar isə rus dilində olduğundan bəzi anlaşılmazlıqlar baş verir. Mən də Hepbörnə səs verirəm --Fredo90 (müzakirə) 20:42, 5 noyabr 2015 (UTC)