Bu gün 25 aprel 2024, Cümə axşamı (İlin 17. həftəsi); bu an saat 21:25 UTC

36. Həftə

Vikipediya məqalələrindən

• Əslən Krım tatarı olan Əhməd Xan Sultan (şəkildə) İkinci dünya müharibəsi zamanı 150-dən çox hava hücumunda iştirak edərək fərdi şəkildə 30, qrup uçuşlarında isə 19 düşmən təyyarəsini məhv etmişdir. Əhməd Xan eyni zamanda İkiqat Sovet İttifaqı Qəhrəmanı adını almış yeganə Krım tatarıdır.
• Jan Batist de Lamaz 1688-1709-cu illərdə Şamaxı Yezuit missiyasının rəhbəri kimi fəaliyyət göstərmişdir. Din xadimi 1709-cu ilin 4 mart tarixində Şamaxı şəhərində vəfat edib.
• Bəhai dininin əsas idarəedici mərkəzi olan Ümumdünya Ədalət Evində Ali Orqanın üzvü kimi fəaliyyət göstərmiş Əli Naxçıvani əslən azərbaycanlıdır.
• Azərbaycan Respublikasında etnik pont yunanların kompakt yaşadığı yeganə kənd Kəlbəcər rayonunun inzibati ərazisində yerləşən Mehmana kəndi olmuşdur.
• 3 minə yaxın insan tərəfindən danışılan Xınalıq dili üçün əlifba, xınalıqlı şair, aşıq, publisist Rəhim Alxas tərəfindən tərtib olunmuşdur.
  

bax – müzakirə et – –

37. Həftə

Vikipediya məqalələrindən

• Dünya şöhrətli amerikalı ixtiraçı və sahibkar Tomas Alva Edisonun təklifi ilə telefon danışığının əvvəlində alo deyilməyə başlanmışdır.
• Yapon müəllim Natsuki Matsumoto tərəfindən 31 iyul 2005-ci ildə Kiotoda qədim ailə proyektorunda aşkar edilən Katsudo Şaşin (şəkildə) ölkədə çəkilmiş ilk anime hesab olunur.
• 1606-cı ildə memar Şeyx Bahəddin Məhəmməd Amilin layihəsi əsasında Gəncədə Çökək hamam tikintisində gil-əhəng qatışığı və qırmızı kərpicdən istifadə olunmuşdur.
• Pakistan Konstitusiyasının 243-cü maddəsinə görə, Pakistan Hərbi Hava Qüvvələrinin mülki komandanı Pakistan prezidentidir.
• Şəxs haqda gün üzünə çıxması problemlər yarada biləcək faktları ifadə edən idiom Dolabda skelet adlanır.
  

bax – müzakirə et – –

38. Həftə

Vikipediya məqalələrindən

• Çox pul xərclənərək saxlanılan, lakin faydası ilə heç öz xərclərini qarşılamayan əşyaları, tikililəri ifadə etmək üçün Ağ fil idomundan istifadə olunur.
• ABŞ-ın Kaliforniya ştatının, San Fransisko şəhəri yaxınlığında yerləşən Alkatraz adasının adı ispan dilindən tərcümədə qutan mənasını verir.
• Saturn planetinin adı Roma mifologiyasında tanrı olan Saturndan qaynaqlanır və astronomik simvolu (♄) Saturnun orağını təmsil edir.
• Kolumbiyalı narkotik qaçaqçısı Pablo Eskobar narkotik satışından əldə etdiyi gəlirlə 1989-cu ildə Forbes jurnalında dünyanın ən varlı yeddinci şəxsi elan edilmişdir.
• Təbiətdə mövsümi hadisələr, onların başlama müddəti və bu müddətləri müəyyən edən səbəblər haqqında biliklər sistemi Fenologiya adlanır.
  

bax – müzakirə et – –

39. Həftə

Vikipediya məqalələrindən

• Ayrılıq mahnısı ilk dəfə 1958-ci ildə Tehran Radiosunda səsləndirilib.
• Bakı şəhərində yerləşən Mələkli ev (şəkildə) 1917-ci il oktyabr inqilabına qədər Sergey Tumayevə məxsus idi.
• Müstəqil Azərbaycan Respublikasının ilk kişi qrossmeysteri Elmar Məhərrəmov olub.
• 4 mart 2002-ci ildə Bakı şəhərində Leopold və Mstislav Rostropoviçlərin ev-muzeyi açılmışdır.
• 2018-ci ildə keçiriləcək UEFA Superkuboku matçı Estoniyanın paytaxtı Tallin şəhərində yerləşən A. Le Koq Arena stadionunda keçiriləcək.
  

bax – müzakirə et – –