Bu gün 23 aprel 2024, Çərşənbə axşamı (İlin 17. həftəsi); bu an saat 18:43 UTC

27. Həftə

Vikipediya məqalələrindən

• Dünya şöhrətli amerikalı ixtiraçı və sahibkar Tomas Alva Edisonun təklifi ilə telefon danışığının əvvəlində alo deyilməyə başlanmışdır.
• Yapon müəllim Natsuki Matsumoto tərəfindən 31 iyul 2005-ci ildə Kiotoda qədim ailə proyektorunda aşkar edilən Katsudo Şaşin (şəkildə) ölkədə çəkilmiş ilk anime hesab olunur.
• 1606-cı ildə memar Şeyx Bahəddin Məhəmməd Amilin layihəsi əsasında Gəncədə Çökək hamam tikintisində gil-əhəng qatışığı və qırmızı kərpicdən istifadə olunmuşdur.
• Pakistan Konstitusiyasının 243-cü maddəsinə görə, Pakistan Hərbi Hava Qüvvələrinin mülki komandanı Pakistan prezidentidir.
• Şəxs haqda gün üzünə çıxması problemlər yarada biləcək faktları ifadə edən idiom Dolabda skelet adlanır.
  

bax – müzakirə et – –

28. Həftə

Vikipediya məqalələrindən

• 2014-cü il martın 21-də təqdim olunan Özbəkistan müğənnisi Şahzadənin ifa etdiyi "Qaynona" mahnısının klipində "Qayınana" filmindən fraqmentlər yer alıb.
• "Bürünc altı heykəli"nin (şəkildə) pyedastalı kimi istifadə olunmuş "Şimşək daş" adıyla tanınan nəhəng qaya parçası 1768-ci ildə Fin körfəzindən 6 km (3.7 mil) aralıda yerləşən tarixi Laxta rayonu ərazisində aşkarlanmışdır.
• İkinci dünya müharibəsindən sonra Bakıya səfər edən Şarl de Qoll burada olduğu müddətdə Azərbaycan Dövlət Akademik Opera və Balet Teatrında dahi Azərbaycan bəstəkarı Üzeyir Hacıbəyovun "Koroğlu" operasına da tamaşa etmişdir.
• Quşların bədən temperaturu insanın bədən temperaturundan 7-8 dərəcə çox olur.
  

bax – müzakirə et – –

29. Həftə

• Yaponiyanın Honşu adasında yerləşən Aokiqahara meşəsini bəzən tarixi-mifoloji məqamlarla bağlı olaraq, "özünəqəsd meşəsi" adlandırırlar.
• 4 qat olimpiya çempionu Cessi Ouens 1936 yay Olimpiya oyunlarında irqçiliyə qarşı mübarizəsinə görə 1976-cı ildə Olimpiya ordeni ilə təltif edilib.
• Rene Maqritin "İnsan övladı" rəsm əsəri (şəkildə) Maykl Cekson və Canet Ceksonun "Scream/Childhood" mahnısının videosunda qısa müddətdə görünmüşdür.
• Yaponiyanın endemik canlılarından olan Yapon porsuğu əsasən Honşu, Kyuşu, Şikoku və Sedoşima adalarında yayılıb.
  

bax – müzakirə et – –

30. Həftə

Vikipediya məqalələrindən

• "Buran" (şəkildə) kosmik gəmisinin yaradılmasında 8 azərbaycanlı iştirak edib.
• Dünyada ilk ruhi xəstəxana 705-ci ildə Bağdad şəhərində VI Əməvi xəlifəsi I Vəlidin öndərliyi ilə açılmışdır.
• Kaxeti çarı II David islamı qəbul edib İmamqulu xan kimi tanınırdı.
• Azərbaycanlı rəssam İbrahim Safi Mustafa Kamal Atatürkün portretini çəkən ilk rəssamlardan biri olub.
• Ross adası üzərində təxminən yarım milyonluq Adeli pinqvini koloniyası var.
  

bax – müzakirə et – –