• Eldən-elə (roman)
• Vətənə qayıt (roman)
• Yad et məni (roman)

•   Silinsin: İlkin kriteriyaları da, mövzu ilə əlaqədar kriteriyaları da ödəmir. Öz sahəsində xüsusi tanınan, sahədə xüsusi əhəmiyyətli fəaliyyəti olan bir yazarın belə bütün əsərləri haqqında ayrıca məqalə olacaq deyə bir şey yoxdur. Envikidə Ədəbiyyat üzrə Nobel mükafatı laureatlarının belə sadəcə bir neçə əsəri haqqında ayrıca məqalə yaradılma ehtiyacı görülüb. Envikini ona görə nümunə göstərdim ki, sözügedən dil bölməsi Vikipediya layihəsinin ümumi prinsipləri ilə nizmanlanır və öz lokal qaydalarından az-çox istifadə edirlər. surə ^m 10:45, 30 oktyabr 2023 (UTC)[]

    Şərh: @Sura Shukurlu, çox təəssüf edirəm ki, növbəti dəfədir SNS arqumentinizin VP:EƏK qaydasına uyğun olmadığını görürəm. Belə ki sizin bu müzakirədəki iddialarınız sözügedən qaydanın məxsusən VP:KTBKR bölməsinin 1 və 5-ci bəndlərinə birbaşa ziddir. Əgər siz desəydiz ki, məqalələrdə "mənbə yoxluğu" var, "qaralama" halındadırlar, vikiləşdirilməlidirlər, nə bilim məsələn tərəfli yazılıblar, mətnləri obyektiv deyil və ona görə də silinməlidirlər, bu başqa məsələ. Amma Əzizə Cəfərzadə kimi XX əsrin II yarısı Azərbaycan ədəbiyyatının ən məşhur, ən tanınmış xanım yazarlarından birinin (2-3 nəfərdən biri deyərdim hətta) kitablarını VP:EƏK qaydasına zidd arqumentlərlə SNS etmək qətiyyən düzgün deyil. O ki qaldı EnViki-Nobel arqumentinizə bu da tam münasib arqument deyil. EnVikidə 6 milyon məqalə olsa da. Boşluqlar da var və ona görə də hər gün orada yüzlərlə, minlərlə yeni məqalələr yaradılır. Nobel deyirsiz, sizə Nobeldən misal çəkim. Orhan Pamuk məqaləsinə baxın məsələn. EnVikidə demək olar ki, bütün romanları haqqında (1-cidən başqa) məqalə var. Sizi əmin edirəm ki, o birinci haqqında da qaydalara uyğun şəkildə (yəni VP:SK-ya uyğun) siz məqalə yazın, heç kim silməyəcək. Çünki yuxarıda dediyim qaydaya zidd olar silməkləri. TrVikidə isə bütün əsərləri haqqında məqalə var. Başqa bir türk xanım yazardan misal çəkim sizə. Heç Nobel laureatı da deyil. Elif Şafak. TrVikidə bütün əsərləri barədə məqalə var, EnVikidə isə iksi istisna bütün romanları barədə. O da yenə O.Pamukda dediyim kimi, həmin olmayanları siz yaradın, tam əminliklə deyirəm sizə, silməyəcəklər. samral ^müzakirə03:33, 2 noyabr 2023 (UTC)[]

  @Samral 1-ci kriteriya ilə bağlı nə isə deməmişəm, həmin kriteriyanın ödənmədiyi aydındır onsuz, əsər haqqında tələb olunan növdə mənbələrdə məlumat mövcud deyil. 5-ci kriteriyaya isə gəldikdə o kriteriyanın nə bu müzakirə ilə, nə də Orhan Pamukla əlaqəsi var. Həmin kriteriya böyük tarixi əhəhmiyyətə malik, nəşrləri və həyatı elmi tədqiqat mövzusu olmuş müəlliflərə aiddir. Cəfərzadənin sözgüedən kitabları haqqında ikincidərəcəli mənbə belə yoxdur, amma siz bu kriteriyanı ödədiyini deyib fikrimin qaydalara zidd olduğunu deyirsiniz. Əsərlər haqqında məqalə yaradılmasına isə gəldikdə, mən Orhan Pamukun hər hansı əsəri haqqında ikinci dərəcəli mənbələrdə məlumat yoxdursa, mənbəsiz filan orijinal tədqiqat ilə və ya məzmunsuz məqalə yazsam saxlayacaqlar ki, Orhan Pamukundur? 5-ci kriteriya bilirsiniz kimlərə aiddir? Vikipediya şəxsin əhəmiyyətin qərar vermək üçün ikincidərəcəli mənbələrə əsaslanır axı, bir də düşünün ki, şəxs orta əsrlərdə yaşamış filosofdur və şəxsin var olduğunu belə bizə gəlib çatmış əsərləri ilə öyrənmişik. Belə olan halda şəxsin özünü haqqında məlumat belə onun əsrləri üzərində aparılmış akademik iş nəticəsində iddia olunur və mənbələr də eyni üsulla formalaşır. Yəni əsərlərin özü ayrıca ensiklopedikdir. Ya da elə müasir dövrdə yaşayıb, amma əsərlərinin özü akademik olaraq ayrı müzakirə mövzusu olub. surə ^m 13:31, 2 noyabr 2023 (UTC)[]

  @Sura Shukurlu, rəylərinizi başa düşməkdə çətinlik çəkirəm. Yuxarıda yazmısız ki, məsələn EnViki-də hətta Nobel laureatlarının belə bütün romanları haqqında məqalə yoxdur. Mən də sizə Nobel laureatı olan və olmayan 2 türk yazardan nümunə çəkdim ki, xeyr, iddia etdiyiniz kimi deyil. Mənbəyə gəldikdə məqalənin mənbə bölməsində bu əsərdən də məxsusi bəhs ediliyi etibarlı də qeyd etmişəm, nədənsə onu qətiyyən nəzərə almamısız. Hələ bunlar mənim Google-un ilk səhifəsindən tapa bildiklərimdir. Telefonlayam deyə pdf-lərdə daha rahat axtarış edə bilmirəm. Səbirli olun, bir qədər də axtarış edəcəm inşallah. samral ^müzakirə19:29, 2 noyabr 2023 (UTC)[]

  @Samral Orhan Pamukun bütün əsərləri haqqında məqalə var envikidə? Bəs mövcud olan məqalələr necə, müzakirə etdiyimiz məqalə vəziyyətindədir? Mənbəyə isə gəldikdə siz həmin mənbəni etibarlı zənn edirsiniz? Söhbət -dan gedir. Yazının əvvəlini də götürüblər. Bu arada bəli, bu son qeyd etdiyim əhəmiyyətli mənbədir, amma şəxsin faəliyyəti üçün, əsər üçün yox. Fikir versəniz mən sırf bu üç əsəri SNS etmişəm, misal üçün bu romanı yox. Çünki hamısını bir-bir arşdırmışam və bilirəm ki, qeyd etdiyim ilə bağlı mənbələr var. surə ^m 19:50, 2 noyabr 2023 (UTC)[]

  @Sura Shukurlu, axı dəfələrlə qeyd etmişəm yuxarıda, hətta tünd etmişəm ki, EnVikidə bütün romanları, TrVikidə isə bütün kitabları. O ki qaldı mənbə məsələsinə, bu mənbələrə baxmısız məsələn?

  • “Azərbaycanın sönməz məşəli – Əzizə Cəfərzadə” (Elmi məqalələr toplusu, 2022)
  • Nüşabə Məmmədli~ 80 budağın hərəsindən bir yarpaq
  • İfrat Əliyeva ~ El Anasi - Əzizə Cəfərzadə
  • Arif Zeynallı ~ Qüdrətli Sənətkar

  Bunlar hələ Google-dan adını tapa bildiyim mənbələrdi. Məlum məsələdir ki, kitabxanalarda özləri və daha çoxları var. Sonda onu da qeyd edim ki, məncə VP:EƏK qaydasının yuxarıda qeyd etdiyim müvafiq bəndlərinə səhv şərh verirsiz. Məxsusən 5-ci bəndi səhv təfsir etdiyinizi düşünürəm. Amma məncə bunun bir səbəbi də məhz həmin bəndin bir qədər qəribə tərcümə edilməsidir. Məsələn həmin bəndə TrVikidə baxsaz, sanki daha aydındır. samral ^müzakirə03:29, 3 noyabr 2023 (UTC)[]

  @Sura Shukurlu, cavab yazmadız. Zəhmət olmasa, məqaləyə də yenidən baxarsız. Yeni məlumat və mənbələr əlavə etmişəm. samral ^müzakirə00:23, 4 noyabr 2023 (UTC)[]

  @Sura xanım, mən sizdən cavab gözləyirəm. Zəhmət olmasa Vətənə qayıt (roman) məqaləsinə də baxarsız, ora da bir sıra yeni məlumat və mənbələr əlavə etmişəm. samral ^müzakirə07:57, 5 noyabr 2023 (UTC)[]

  @Samral İlk olaraq məqalələr üzərindəki işiniz üçün təşəkkür edirəm. Əlavə etdiyiniz mənbələrə baxdım, şəxsin fəaliyyəti ilə bağlı önəmli mənbələrdir, amma ən azından yoxlaya bildiklərim anladığım qədəri ilə birbaşa əsərlər haqqında yazılmış nəşrlər deyillər. Qaydalarda da yazılıb axı, ki "Kitab özündən azad olan iki və daha artıq əhəmiyyətli nəşrin mövzusu olmalıdı". Qeyd etdiyiniz mənbələr isə şəxsin fəaiyyəti haqqındadır və əsər (lər) haqqında məlumatı da ehtiva edir. Odur ki, məqalələrin ensiklopedikliyi haqqında fikrim eynidir, ayrı məqalənin mövcud olmasına ehtiyac yoxdr. Həmçinin onu qeyd edim ki, tapdığınız mənbələr əsasında müəllifin özünün məqaləsini əsaslı şəkildə genişləndirmək, bir az da işlənilsə statuslu məqalə halına gətirmək olar. Həmçinin sizə apardığınız müzakirə və qaydalara istinad edən fikirləriniz üçün də təşəkkür edirəm. SNS-də hal-hazırda müzakirələrdə arqument olaraq ya sadəcə "tanınmışdır" kimi qısa və əsassız rəylər yazırlar, ya da uzun rəy olsun deyə mənbəsiz, yanlış faktlar ortaya atıb müzakirənin yönünü dəyişməyə çalışırlar. Əsaslı müzakirədə iştirak etmək xoş oldu. surə ^m 18:08, 5 noyabr 2023 (UTC)[]

  @Sura Shukurlu, sizdə belə bir şey müşahidə edirəm ki, sanki siz sadəcə ilkin mövqenizdən dönmək istəmirsiz. Bəlkə də elə fikirləşirsiz ki, fikrinizi dəyişsəz bu kənardan yaxşı görünməyəcək. Çünki bilərəkdən və ya bilməyərəkdən qaydanı belə səhv və ya başa düşdüyünüz kimi şərh edirsiz. Sizinlə bu müzakirəni uzatmaqda bir fayda görmürəm artıq təssüf ki. Ondansa 3-cü məqaləni də zənginləşdirim ki, hədərə yerə silinməsinlər. samral ^müzakirə18:55, 5 noyabr 2023 (UTC)[]

•   Silinsin: Suranın qeyd elədiyi arqumentlərlə razıyam. Kriteriyaları ödəmir. Həmçinin məqalədə istinadların və mənbələrin olmadığını da bildirim. Ümumiyyətlə bir yazıçının hər bir romanı haqqında ayrıca məqaləyə ehtiyac yoxdur. Şəxsin öz məqaləsində ətraflı və ya siyahı formasında verilməlidir. Bu üç məqalədə silinməli olduğunu düşünürəm. Grenzsoldat 10:57, 30 oktyabr 2023 (UTC)[]

  @Grenzsoldat, məqaləyə yeni mənbə və məlumatlar əlavə etdim. Zəhmət olmasa baxıb yenidən rəy bildirərdiz. samral ^müzakirə12:32, 3 noyabr 2023 (UTC)[]

•  Birləşdirilsin: Hər 3 məqaləni mənbələrini araşdırıb tapmaqla yazıçının öz məqaləsində ayrıca başlıqlar altında vermək olar.Futurolog21 (müzakirə) 02:33, 31 oktyabr 2023 (UTC)[]
•  Birləşdirilsin: Əzizə Cəfərzadə məqaləsinə köçürülsün. — NKO ^zi06:26, 1 noyabr 2023 (UTC)[]

    Şərh: silinsin demiş @Sura Shukurlu və @Grenzsoldat, birləşdirilsin demiş @Futurolog21 və @NKOzi, hələlik Eldən-elə romanı məqaləsini yenidən işlədim. Zəhmət olmasa, baxıb yenidən rəy bildirərsiz. samral ^müzakirə12:27, 2 noyabr 2023 (UTC)[]

  @Samral birinci kriteriyanı mənə nümunə göstərmisiniz, amma əlavə etdiyiniz mənbələr həmin kriteriyanı ödəmir. İlk ikisi əsərin birbaşa özü haqqında deyil, bu bir kənara, digər ikisi kitabın pdf-dir. surə ^m 13:34, 2 noyabr 2023 (UTC)[]

  @Samral Mənim mövqeyim silinməyə qarşıdır. Hətta bundan öncə birləşdirilməsini qeyd etmişdimsə, indi işlədiyiniz Eldən-elə romanını elə ayrıca məqalə kimi də saxlamaq olar fikrindəyəm. Mənbələr birbaşa əsərin özü haqqında olmasa da, hər halda həmin məqalələrdə bu əsərin adı xüsusilə qeyd edilir. pdf formasında əsərin özünü də təqdim etmisiniz və pdf özü də mənbə hesab edilir. Ona görə   Qalsın: , icmanın fikri mənim fikrimlə üst-üstə düşməsə o zaman heç olmasa birləşdirilsin. Futurolog21 (müzakirə) 17:15, 2 noyabr 2023 (UTC)[]

  Silinsin: niyə hər şeyi birləşdirməyə, köçürməyə meyillənmişik ki? Hər əsər ensiklopedik olacaq deyə bir şey yoxdurki. Dünyaca məşhur yazıçıların belə hər əsəri ensiklopedik sayılmır. O ki, qaldı bizimkilər. Sura xanımın bildirdiyi fikirlərə qatılıram. Samral bayə də əməyi üçün təşəkkür edirəm. Atakhanli (müzakirə) 20:55, 3 noyabr 2023 (UTC)[]

@Atakhanli, Eldən-elə (roman) məqaləsinə baxdıqdan sonra bu rəyi bildirdiz? Əgər elədirsə bu rəyiniz VP:EƏK qaydasına kökündən ziddir. samral ^müzakirə23:37, 3 noyabr 2023 (UTC)[]

  Şərh: @Futurolog21, @Grenzsoldat, @NKOzi və @Sura Shukurlu, zəhmət olmasa Vətənə qayıt (roman) məqaləsinə yenidən baxarsız. Məqaləyə yeni məlumatlar və etibarlı mənbələr əlavə edib məqaləni zənginləşdirdim. samral ^müzakirə02:22, 4 noyabr 2023 (UTC)[]

@Atakhanli, əgər qərəzli deyilsinizsə və VP:EƏK qaydasından da xəbərdarsınızsa, zəhmət olmasa, Vətənə qayıt (roman) məqaləsinə də bir də baxıb yenidən rəy bildirsəz, sevinərəm. Əvvəlcədən təşəkkürlər. samral ^müzakirə08:31, 5 noyabr 2023 (UTC)[]

  Qalsın: Samral kifayət qədər iş görüb. — NKO ^zi05:02, 4 noyabr 2023 (UTC)[]

•   Qalsın: 3 məqaləni də təkmilləşdirdim, yeni məlumat və mənbələr əlavə edib zənginləşdirdim.-samral ^müzakirə22:14, 6 noyabr 2023 (UTC)[]

 N Hər üç məqalənin saxlanılmasına qərar verildi. — Araz Yaquboglu (müzakirə) 07:38, 7 noyabr 2023 (UTC)[]