Əleyhinə: Məqalənin mövcud mətni yaxşı yazılıb. Məqalə üzərində işləyən adamın həqiqətən də mövzuya bələd olması hiss olunur. Lakin, Xəzər xaqanlığı haqqında o qədər geniş ədəbiyyat və araşdırmalar var ki, belə kiçik, səthi mətnli məqalənin status almasını düz hesab etmirəm. Təkrar edirəm ki, məqalənin mətni keyfiyyətlidir, amma səthidir məncə. Xüsusilə Mədəniyyət, Din, Dil, Yazı bölmələri çox səthi işlənilib. Xaqanlığın Azərbaycanla əlaqələri (xəzərlər uzun müddət Qəbələyə kimi Azərbaycan ərazisini işğal altında saxlayıblar və buna görə Qafqaz Albaniyasının paytaxtı Qəbələdən Bərdəyə köçürülüb) ümumiyyətlə qeyd edilməyib. Alban katolikosları uzun müddət xəzərlər arasında xristianlığı təbliğ etmək üçün missiyalar təşkil ediblər. Bu haqqda Moisey Kalankatlı ətraflı məlumat verir, mövzu ilə bağlı bütün araşdırmalarda (o cümlədən Minorski və Artamanov tərəfindən) bu məsələ xüsusi qeyd edilir. Məqalədə isə bu dövr tamam buraxılmışdır. Xəzər şəhərlərinin xarabalıqlarında SSRİ dövründə genişmiqyaslı arxeoloji qazıntı işləri aparılmış, çoxlu sayda maddi-mədəniyyət nümunələri aşkarlanmışdır. Tədqiqatların nəticələri dəyərli monoqrafiyalarda yayımlansa da, həmin ədəbiyyatlar da istifadə olunmamışdır (məncə arxeoloji tədqiqatlar başlığı yaradılsa yaxşı olar). Xəzərlərin tarixinin öyrənilməsi (tarixşünaslığı) haqqında da başlıq yaradılmalıdı. İndiki vəziyyətdə məqalənin nə yaxşı, nə də seçilmiş statusuna layiq olmayan, keyfiyyətli, lakin mövzunu tam əhatə etməyən məqalə olmasını düşünürəm. Hörmətlə --sefer azeri06:21, 16 iyul 2018 (UTC)[]
Aleykum Salam Sefer azeri məqalə onsuzda seçilmiş məqalə statusu almaq üçün Laboratoriyaya təqdim edilməyib. Sizin dedikləriniz tamamilə düzdür ancaq mən məqaləni seçilmiş məqalə şərtləri üçün yox yaxşı məqalə şərtləri üçün hazırlamışam. Bu məqaləni trvikidən tərcümə etmişəm. Özüm araşdırdım və azərbaycan dilində normal birşey tapa bilmədim. Sizin dediyiniz ədəbiyyatların çoxu xarici (ingilis, rus) mənbələridir ki, mən o dilləri bilmirəm. Ancaq ümümi olaraq bilirəm ki, kitabların hamsı ortaq bir mövzu haqqında yazır, yəni o kitablarda da bu məqalədən əlavə təəccüblü məlumat yoxdur. Ümumən isə xəzərlər haqqında ilkin orta əsr mənbələrində çox az məlumat var (həmçinin o xırda məlumatları da tapmaq asan məsələ deyil). Məqalədə Xəzərlərin Azərbaycana yürüşləri haqqında məlumat verilib. Ancaq daha geniş də verilə bilərdi, yəni bizim dildə normal birşey tapsaydım. Bizim saytlar isə çox heyifki, bu məsələlər ilə maraqlı deyillər.--Rufet Turkmen (müzakirə) 13:49, 16 iyul 2018 (UTC)[]
Rufet Turkmen, mən yuxarıda da məqalənin mətninin keyfiyyətli olmasını qeyd etmişdim. Sizi başa düşürəm, xəzərlərlə bağlı ədəbiyyat əsasən rus dilindədir. Amma belə səthi məqalənin də status almasını düz hesab etmirəm. Ümidvaram məni düz anlayarsız. --sefer azeri20:52, 16 iyul 2018 (UTC)[]
