---

49. Həftə

• Nigeriyanın şimal-şərqində "Boko Haram" terrorçu qruplaşmasının silahlıları tərəfindən azı 70 fermer öldürülüb.
• Fransada qlobal təhlükəsizlik qanununa və polis zorakılığına qarşı nümayişlər keçirilib.
• ABŞ-da noyabrın 3-də keçirilmiş prezident seçkilərində öz qələbəsini elan etmiş ABŞ Demokrat Partiyasının namizədi Co Baydenə (şəkildə) tomoqrafiyadan sonra ayaq sümüklərinin sınıqları diaqnozu qoyulub.
• Kanada hökuməti yeni koronavirus pandemiyası ilə əlaqədar digər dövlətlərin vətəndaşlarının ölkəyə giriş qadağasını 21 yanvar tarixinə qədər uzadıb.
• Ağdam şəhərində fotoqraf Rza Diqqətinin foto sərgisi keçirilib.

bax – müzakirə et – –

---

50. Həftə

• Azərbaycan Respublikası Prezidenti İlham Əliyevin 2020-ci il 8 dekabr tarixli fərmanına əsasən Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək verən qurum - YAŞAT Fondu təsis edilib.
• Cənubi Afrikanın cənub-şərqindəki Durban şəhəri (şəkildə) yaxınlığında neft emalı zavodunda güclü partlayış baş verib.
• Azərbaycanda Yevlax-Xankəndi dəmir yolunun bir hissəsinin tikintisinə başlanılıb.
• ABŞ-ın "Time" jurnalı 2020-ci ili tarixin ən pis ili adlandırıb.
• Türkiyədən Çinə ilk ixrac qatarı yola düşüb.

bax – müzakirə et – –

---

51. Həftə

• ABŞ-da koronavirus əleyhinə kütləvi vaksinasiya kampaniyası başlayıb.
• Türkiyədə İran kəşfiyyatına xidmətdə şübhəli bilinən 11 nəfər həbs edilib.
• İngiltərə Premyer Liqasında "Çelsi" "Evertona" məğlub olub.
• Taliban silahlıları Əfqanıstanın şimalındakı Künduz vilayətində (şəkildə) 10 əfqan təhlükəsizlik əməkdaşını qətlə yetiriblər.
• Ermənistanda girov götürülən Dilqəm Əsgərov və Şahbaz Quliyev Bakıya gətiriliblər.

bax – müzakirə et – –

---

52. Həftə

• Malidə "Barxan" əməliyyatı çərçivəsində xidmət aparan Fransa ordusunun bir neçə əsgəri minalanmış avtomobilin partladılması nəticəsində həlak olub.
• Dekabrın 29-dan etibarən Oman quru, hava və dəniz sərhədlərinin açılmasına qərar verib.
• Mərkəzi Afrika Respublikasında qiyamçıların hücumu nəticəsində Birləşmiş Millətlər Təşkilatının üç sülhməramlısı həlak olub, ikisi isə yaralanıb.
• "The Beatles" qrupunun qurucularından biri olan musiqiçi Pol Makkartni (şəkildə) "McCartney III" adlı yeni albomunu buraxıb.
• Böyük Britaniya ilə Avropa İttifaqı arasında gələcək ticarət və təhlükəsizlik əməkdaşlığına dair razılaşma imzalanıb.

bax – müzakirə et – –