Vençeslas Munyeşyaka (d. 30 iyul 1958, Butare, Ruanda) — Ruanda hərbi məhkəməsi tərəfindən soyqırım cinayətinə görə məhkum edilmiş Fransada işləyən Ruandalı rahib. Munyeşyaka Fransa məhkəmələrində təqib olunsa da, 2015-ci ilin oktyabrında sübutların mötəbər olmaması səbəbindən iş davam etdirilmədi. Mübahisələrə və Ruandada məhkum olunmasına baxmayaraq, 2001-ci ildən etibarən Fransada rahib olaraq işləyir.
| Vençeslas Munyeşyaka | |
|---|---|
.jpg) | |
| Doğum tarixi | 30 iyul 1958 (65 yaş) |
| Doğum yeri | |
| Fəaliyyəti | katolik keşişi[d] |
Haqqında
Munyeşyaka 30 iyul 1958-ci ildə Ruandanın Butare vilayətində Butare prefekturasında Nqoma Ruanda kommunasında anadan olmuşdur. Anası Felisite Mukarukaka tutsi, atası Qabriel Nciruvonsanqa isə hutu idi.
Munyeşyaka Kiqalidə Müqəddəs Ailə kilsəsi və prixod üçün məsuliyyət daşıyırdı.
16 noyabr 2006-cı ildə Ruanda hərbi məhkəməsi onu 1994-cü il soyqırımında iştirak etməkdə və zorlama cinayətinin törədilməsində təqsirli bilərək özünün iştirakı olmadan azadlıqdan məhrum etmə cəzası vermişdir. Böyükdən kiçiyə yüzlərlə insanı, onları vəhşicəsinə qətlə yetirmiş soyqırım milislərinə təslim etdiyi təsbit edilmişdir. Hərbi məhkəmə Munyeşyakanı rahibi olduğu Kiqalinin mərkəzindəki Müqəddəs Ailə kilsəsindəki yüzlərlə tutsi qaçqını öldürməkdə milislərə yardım etdiyinə və təcavüzə görə təqsirli bilmişdir.RBCT-nin həbs qərarı 21 iyun 2007-ci ildə açıqlanmışdır. O, 20 iyul 2007-ci ildə Fransada həbs olunub, lakin 1 avqust 2007-ci ildə Fransa Apelyasiya Məhkəməsi tərəfindən azad edilib. 13 avqust 2007-ci ildə RBCT tərəfindən yenidən işlənmiş ittiham aktı hazırlanmış və daha sonra həmin aktın əsasında 5 sentyabr 2007-ci ildə Fransanın hakimiyyət orqanları tərəfindən yenidən həbs edilib.
20 fevral 2008-ci ildə Fransanın səlahiyyətli orqanları Vençeslas Munyeşyakanın Fransada mühakimə edilməsinə razılıq vermişdir.
26 avqust 2015-ci ildə Fransa prokurorları Vençeslas Munyeşyaka əleyhinə olan işə xitam verilməsini istəmişdilər. Paris prokuroru Fransua Molins bəyanatda deyib ki, "araşdırmalarımız 1994-cü il soyqırımı zamanı Vençeslas Munyeşyakanın rolu barədə çoxlu suallar yaradıb, lakin araşdırma onun aktiv iştirakına aid olan xüsusi aktları rəsmi olaraq təsdiq edə bilməmişdir."
2 oktyabr 2015-ci ildə araşdırmanı davam etdirən Fransız hakim, prokurorun tələbinə əsasən işin rədd edilməsini əmr etmişdir. Hakim bildirmişdi ki, Munyeşyaka radikal fikirlərini ortaya qoymuş və hərbçilərlə və milislərlə dostluq əlaqələrini saxladığını ifadə etmişdi, lakin bu, milislər tərəfindən törədilən cinayətlərdə onun iştirak etdiyini əsaslandırmaq üçün kifayət deyil.
2015-ci ilin oktyabrında Fransa hökuməti Fransa məhkəmələrinin Munyeşyakaya qarşı işi davam etdirməmək haqqındakı qərarından məyusluğunu ifadə etmişdir.
2001-ci ildən katolik kilsəsi onu , Fransada rahib kimi işə götürmüşdür.
İstinadlar
- ↑ Karuhanga, James. . The New Times Rwanda (ingilis). 2016-10-07. 2017-08-17 tarixində arxivləşdirilib. İstifadə tarixi: 2017-05-16. ()
- 2016-02-26 at the Wayback Machine, Trial-CH, Retrieved 2 March 2016
- ↑ . TRIAL International (ingilis). 2022-08-13 tarixində arxivləşdirilib. İstifadə tarixi: 2017-05-16. ()
- (ingilis). Agence France-Presse. 2015-08-19. 2021-06-23 tarixində arxivləşdirilib. İstifadə tarixi: 2017-05-16. ()