Bir millətin ürəyinin tən ortasından parçalanaraq müxtəlif cəmiyyət quruluşlu dövlətlərin tərkibində yaşamaq sitəmi azərbaycanlılara çox tanışdır. İki yüz ildən artıqdır ki, siyasi oyunların qurbanı olmuş azərbaycanlılar sonu qətiyyən görünməyən bu zülmü çəkirlər. Almanlar bu səddi aşıb birləşdilər. Fəqət ölkələr süquta uğrayan tarixi məqamlarda ayrı-ayrı insanların ömür faciəsinə kim məhəl qoyar ki?! Almaniya Demokratik Respublikası adlı bir dövlət dünya siyasi xəritəsindən silinsə də, kəşfiyyatının casusları hələ sağdır və bir neçə superdövlət onların müqabilində ağlasığmaz məzənnə ödəməyə hazırdır. Satqınlıq, sabiq yoldaşların qətlləri bahasına bu casusların siyahısı satlığa qoyulub. Dünya şöhrətli Dronqo yüzlərlə insanın həyatı və dövlətlərin mənafeyi ilə oynayan xaini qısa müddət ərzində aşkara çıxarmalıdır.

Çingiz Abdullayevin "Sonuncu divarın daşları" romanının Azərbaycan dilinə tərcümə olunmuş variantının təqdimat mərasimi 3 fevral 2011-ci ildə Bakı Kitab Klubunun binasında keçirilmişdir. Tədbirdə Bakı Kitab Klubunun direktoru Elxan Rzayev, müəllif Çingiz Abdullayev, tərcüməçi Munisə Dadaşqızı çıxış edərək kitabın ərsəyə gəlməsi haqqında fikirlərini bildiriblər.

• Çingiz Abdullayev