"Sonra biz rəqs etdik" (gürc. და ჩვენ ვიცეკვეთ) — 2019-cu ildə Levan Akinin rejissorluğu ilə çəkilmiş İsveç-Gürcüstan ortaq istehsalı olan dram filmidir. Filmdə əsas rolları Levan Gelbakiani, Baçi Valişvili və Ana Cavaxişvili canlandırmışlar.
| Sonra biz rəqs etdik | |
|---|---|
| gürc. და ჩვენ ვიცეკვეთ | |
 | |
| Janr | dram filmi, LGBT mövzulu film[d] |
| Əsas mövzu | Gürcüstan xalq rəqsləri, emansipasiya, Eşqə düşmə, Hirs[d], mühafizəkarlıq, Maskulanlıq, Gürcüstan mədəniyyəti |
| Rejissor | Levan Akin |
| Prodüser | Lüdviq Andersson |
| Ssenari müəllifi | Levan Akin |
| Baş rollarda |
Ana Cavaxişvili |
| Operator | Lisabi Fridell |
| Bəstəkar | Zviad Mqebri |
| İstehsalçı | French Quarter Film |
| İlk baxış tarixi |
16 may, 2019 (Kann kinofestivalı) 13 sentyabr 2019 (İsveç) 9 noyabr 2019 (Gürcüstan) |
| Müddət | 105 dəq. |
| Ölkələr |
 İsveç Gürcüstan
|
| Dil | gürcü dili |
| İl | 2019 |
| Rəng | 105 dəq. |
| IMDb | |
.svg){kind=small}
Film, Gürcüstan Milli Rəqslər Ansamblının solistləri olan Merab və İrakli arasındakı rəqib münasibətlərinin romantik sevgi hisslərinə çevrilməsindən bəhs edir.
Filmin premyerası 2019-cu ildə Kann kinofestivalı çərçivəsində keçirilən Rejissor ikihəftəliyində baş tutmuşdur. İsveçdə filmin premyerası 13 sentyabr 2019-cu ildə, Gürcüstanda isə həmin ilin 9 noyabrında həyata keçirilmişdir. Gürcüstanda filmin premyerası homofobik qüvvələrin nümayişləri və asayişi pozmaq cəhdləri ilə müşayət olunmuşdur.
Film 92-ci Oskar mükafatlarında "Ən yaxşı xarici film" nominasiyasında İsveçi təmsil etmək üçün seçilmişdir.
Xülasə
Merab (Levan Gelbakiani) partnyoru Mari (Ana Cavaxişvili) ilə birlikdə Gürcüstan Milli Rəqslər Ansamblında çalışır. İraklinin (Baçi Valişvili) ansambl heyətinə qoşulmasından sonra onlar arasında güclü rəqabət yaranır və sonradan bu rəqabət romantik sevgi hisslərinə çevrilir.
Rollarda
- Levan Gelbakiani — Merab
- Baçi Valişvili — İrakli
- Ana Cavaxişvili — Mari
- Giorgi Sereteli — David
- Tamar Buknikaşvili — Teona
- Levan Qabrava — Luka
- Anano Maxaradze
- Ninutsa Gabisonia
Qəbulu
Tənqidçilərin mövqeyi
Rəy aqqreqatoru olan Rotten Tomatoes saytında 14 tənqidçinin rəyi əsasında film, 93% təravətli balla qiymətləndirilmişdir. 2019-cu ilin iyulunda Odessa Beynəlxalq Film Festivalında "Sonra biz rəqs etdik" filmi Qran-Pri mükafatını qazanmış, izləyicilərin seçimi əsasında isə Ən yaxşı film və Ən yaxşı aktyor nominasiyalarında qalib seçilmişdir. 2019-cu ilin avqustunda Levan Gelbakiani filmdə canlandırdığı rola görə Sarayevo Film Festivalında Ən yaxşı aktyor nominasiyasında "Sarayevonun ürəyi" mükafatına layiq görülmüşdür. 2019-cu ilin oktyabrında film, Ən yaxşı bədii film nominasiyasında Ayris mükafatına layiq görülmüşdür.
Etirazlar
Filmin Gürcüstan premyerasının elan edilməsindən sonra ultra-konservativ və rusiyapərəst qruplar Tbilisi və Batumidə yayıma mane olacaqları ilə bağlı məlumat yaymışdılar. Bundan sonra Gürcüstan Daxili İşlər Nazirliyi vətəndaşların özünü ifadə azadlığının qorunacağı ilə bağlı bəyanat yaymışdı. Uşaqların Müdafiəsi İctimai Hərəkatının rəhbəri Levan Palavandişvili, rusiyapərəst iş adamı Levan Vasadze, Rusiya Yevgeni Primakov Fondunun rəhbəri Dimitri Lortkipanidze və ultra-millətçi Gürcü Marşı hərəkatının rəhbəri Sandro Breqadze "gürcü və xristian dəyərlərinə zidd" olan filmin yayımının qarşısını almaq üçün kinoteatrlara üz tutacaqlarını bildirmişdilər.
Hədələrə cavab verən rejissor Levan Akin qeyd edir ki, "Film izləmək üçün bilet almış insanların təhlükəsizlikləri ilə risk etmələri və hətta hücuma məruz qalma ehtimalını gözə almış olmaları absurddur. Mən bu filmi sevgi və qayğı ilə çəkmişəm. Gürcü Pravoslav Kilsəsi premyeranı dəstəkləməsə də istənilən zorakılığa qarşı olduğunu bildirmişdir."
8 noyabr 2019-cu ildə Gürcüstan Daxili İşlər Nazirliyi premyeranın keçiriləcəyi "Amirani" kinoteatrını polis nəzarətinə vermiş və ətrafına xüsusi təyinatlı hərbi qüvvələr toplamışdır. Polis qüvvələri "Amirani" kinoteatrının girişini nəzarətə götürmüşlər. Həmin gün bir qədər sonra Gürcü Marşı hərəkatının bir neçə yüz üzvü güc vasitəsiylə kinoteatra daxil olmağa çalışda da, polis iğtişaşçıların qarşısını almışdır. İğtişaşçılar kimliklərini gizlətmək üçün üzlərinə maskalar geyinmiş və polisə qarşı pirotexnikadan istifadə etmişlər.
Polis, Gürcüstan İnzibati Cinayətlər Kodeksinin 173 və 166-cı maddələrini pozduqlarına görə iki nəfəri həbs etmişdir. Nümayişçilər filmi izləmək üçün kinoteatra gəlmiş liderlərindən biri olan David Berdzenişviliyə hücum etmişlər. İğtişaşçıların hücumu nəticəsində kinoteatrdan çıxan liberal-aktivist Ana Subeliani başından zədə almış və xəstəxanaya yerləşdirilmişdir.
İstinadlar
- Ахметели, Нина. . bbc.com. BBC Russia. 9 ноября 2019. 2022-05-12 tarixində . İstifadə tarixi: 10 noyabr 2019.
- ↑ (gürc.). 2019.
- ↑ .
- ↑ Bradshaw P. (ing.). // The Guardian.com 2020. ISSN ;
- Keslassy, Elsa. . Variety (ingilis). 4 April 2019. 25 April 2019 tarixində . İstifadə tarixi: 10 noyabr 2019.
- Goodfellow, Melanie. . ScreenDaily. 2019-07-04 tarixində . İstifadə tarixi: 10 noyabr 2019.
- Lindblad, Helena. . . 28 August 2019. 14 September 2019 tarixində . İstifadə tarixi: 10 noyabr 2019.
- Dalton, Ben. . ScreenDaily. 28 August 2019. 31 October 2019 tarixində . İstifadə tarixi: 10 noyabr 2019.
- . Rotten Tomatoes. . 2020-11-12 tarixində . İstifadə tarixi: 10 noyabr 2019.
- Petrasiuk, Oleg; Istomina, Toma. . Kyiv Post. Kyiv Post. 2021-03-03 tarixində . İstifadə tarixi: 10 noyabr 2019.
- . Sarajevo Film Festival. 2020-10-08 tarixində . İstifadə tarixi: 10 noyabr 2019.
- . Twitter. 2019-10-13 tarixində . İstifadə tarixi: 10 noyabr 2019.
- . 2020-10-21 tarixində . İstifadə tarixi: 2019-11-10.
- ↑ . 2020-10-08 tarixində . İstifadə tarixi: 2019-11-10.
- . 2020-10-08 tarixində . İstifadə tarixi: 2019-11-10.
- . 2020-10-19 tarixində . İstifadə tarixi: 2019-11-10.
- . 2021-05-14 tarixində . İstifadə tarixi: 2019-11-10.
- . 2021-05-14 tarixində . İstifadə tarixi: 2019-11-10.
- . 2021-05-14 tarixində . İstifadə tarixi: 2019-11-10.
Xarici keçidlər
- — Internet Movie Database saytında.