Şəhərin indiki ərazisində XVIII əsrdə təməli qoyulmuş Qomzino kəndi olub. XVIII əsrin sonunda kəndin adı dəyişdirilərək Solnışnaya olub. 1851-ci ildə Moskva-Sankt-Peterburq dəmiryolunun tikintisi zamanı bu ərazidə Podsolneçnıy qəsəbəsi salınıb. 1860-cı illərin əvvəllərində, təhkimçilik hüququ ləğv edildikdən sonra Podsolneçnıy və ətraf kəndlərin ərazisində çoxlu sənaye obyektləri yaranmağa başladı. 1928-ci ildə fəhlə qəsəbəsi olan Solneçnoqorskiy tikildi. 26 dekabr 1938-ci ildə şəhər statusunu alıb. İkinci Dünya müharibəsi zamanı 1941-ci ilin noyabrında alman ordusu şəhəri ələ keçirdi. Dekabr ayında baş vermiş Moskva döyüşü zamanı bu şəhərin ərazisində qızğın döyüşlər baş verib. Klin-Solneçnoqorsk hücumu zamanı dekabrın 12-də Qızıl ordu şəhəri geri almağa müvəffəq olub.