Gələcək yazıçının atası müəllim idi. Uşaqlığı Çazma şəhərində valideynləri ilə keçirib. Pojeqa və Zaqreb gimnaziyalarında təhsil alıb. Krijevtsidə kənd təsərrüfatı üzrə təhsil alıb. Birinci Dünya Müharibəsindən sonra öz təhsilini Fransada davam etdirib. Vətənə qayıtdıqdan sonra Krijevtsi, Çazma, Qorni Xruşevets, Petrinya, Slavonski Brod, Pojeqa və Bojyakovinada aqronom işləyib.

Slavko Kolar Xorvatiya ədəbiyyatında realizm cərəyanının təmsilçilərindən idi. Əsərlərinin əsas mövzusu kəndli həyatının və əyalət ziyalılarının problemləri idi. Parlaq yumorist və satirik yazıçıdır. Slavko Koların əsərləri siyasi satira və yumoru elementlərini özündə əks etdirir. Psixoloji satiranın yaranmasında onun istedadı xüsusilə üzə çıxmışdır.

Onun qələmindən bir neçə hekayələr toplusu, 6 teatr pyesi, 4 kino və 1 telessenari, aqronomiya üzrə 8 elmi-populyar kitab və b. əsərlər çıxmışdır.

Yazıçının həyatı ilə bağlı 100-dən çox əsər çap olunub.

1963-cü ildə vəfat edib və Zaqrebdə Miroqoy qəbristanlığında dəfn edilib.

• Gülməli hekayələr (1917)
• Biz varıq — ya da yoxuq (1933)
• Biz ədalətin tərəfindəyik (1936)
• Hara gedirsən, Avropa? (1938)
• Öz vücudunun hakimi (1942)
• Naftalinə doğru geriyə (1946)
• Əsas olan başda papaq olsun (1956)

1. ↑ Bibliothèque nationale de France  (fr.): açıq məlumat platforması. 2011.
2. Slavko Kolar //  (alm.).
3. ↑ Колар Славко // Большая советская энциклопедия (rus.): [в 30 т.]. / под ред. А. М. Прохоров 3-е изд. Москва: Советская энциклопедия, 1969.
4.  (ing.). 1990.
5. . 2022-01-13 tarixində . İstifadə tarixi: 2021-05-14.