Seyid Hüseyn bəy Seyid Hüseyn ağa oğlu Ağamirov (1833-1891) — məmur, popçitel, quberniya katibi, Xurşidbanu Natəvanın ikinci əri.
| Seyid Hüseyn bəy Ağamirov | |
|---|---|
| Seyid Hüseyn bəy Seyid Hüseyn ağa oğlu Ağamirov | |
| Doğum tarixi | |
| Doğum yeri | Şuşa, Rusiya imperiyası |
| Vəfat tarixi | |
| Həyat yoldaşı | Xurşidbanu Natəvan |
| Uşaqları | Mir Həsən bəy, Mir Abbas bəy, Mir Cabbar bəy, Saray xanım və Həcər xanım |
Həyatı
Seyid Hüseyn bəy Seyid Hüseyn ağa oğlu 1833-cü ildə Şuşa şəhərində doğulmuşdu. Mollaxanada oxumuşdu. Bir müddət papaqçı işləmişdi. Şairə Natəvanla evlənəndən sonra dövlətdən bəy ünvanı almış, məmur işləmişdi. Yelizavetpol (Gəncə) quberniyasında bir çox məktəblərin hamisi idi. Quberniya katibi mülki çini daşıyırdı. Seyid Hüseyn bəy Ağamirov 1891-ci ildə vəfat edib.
Ailəsi
Seyid Hüseyn bəy Xurşidbanu bəyim Mehdiqulu xan qızı Cavanşirlə ailə qurmuşdu. Mir Həsən bəy, Mir Abbas bəy, Mir Cabbar bəy adlı oğlanları, Saray xanım və Həcər xanım adlı qızları vardı.
Mənbə
- Ənvər Çingizoğlu, Ağamirovlar, "Soy" dərgisi, 10, (30), 2009.