Sevgi hekayəsi, Əlaqə və ya Zəncirlər (Rom: Silsiilay; ingiliscə: Chains) — 2005-ci ildə Xalid Məhəmmədin ssenari xəttini yazdığı və rejissoru olduğu hind dilində çəkilmiş olan romantik filmdir. Filmdə baş rollarda Tabu, Bhumika Çavla, Riya Sen, Celina Ceytli, Anita Hassanandani, Divya Dutta, Rahul Bose, Cimmi Şeirgill, Aşmit Patel və Kay Kay Menon iştirak edir, eyni zamanda filmdə xüsusi geniş obrazı Şah Rukh Khan canlandırır. Film 17 iyun 2005-ci ildə buraxılmışdır.
| Sevgi hekayəsi | |
|---|---|
| Janr | dram filmi |
| Rejissor | Xalid Məhəmməd |
| Prodüser | Vaşu Baqnani |
| Ssenari müəllifi | Xalid Məhəmməd |
| Baş rollarda |
Tabu Bhumika Çavla Riya Sen Celina Ceytli Anita Hassanandani Divya Dutta Rahul Bose Cimmi Şeirgill Aşmit Patel Kay Kay Menon Şahrux Xan |
| İlk baxış tarixi | 2005 |
| Ölkə | |
| Dil | Hind dili |
| IMDb | |
Süjet xətti
Film üç qadının hekayəsi ətrafında cərəyan edir.
Sürətlə yüksələn Bollivud aktrisası olan Zianın, onu kino karyerası üçün yetişdirmiş şəxs olan Neel ilə olan isti münasibətləri pozulmaq üzrədir. Ondan uşaq istəyir, amma uşağa görə heç bir məsuliyyət də daşımaq istəmir. Tezliklə o öz yoluna davam edir və özünə başqa bir sevgili tapır.
Anuşka varlı Nikhillə münasibətlərində sevgi tapmaq istəyən telefon operatorudur. Bu vaxt ofisdəki həmkarı Tarun da onu sevir və onu səssizcə izləyir. Əməksevər bir qız olan Anuşkanın sevgi hekayəsində bir dönüş nöqtəsi baş verir və bundan sonra qız iki oğlandan birini seçməlidir. Natasşa böyük təsiri olan bir rolda çıxış edir. Üç qadının hekayəsi, qadınların həmrəylik hərəkatı kimi bir araya gəlməsi ilə birləşmiş bir şəkildə toxunur.
Rehana evdar qadındır və əri Ənvərin ona hostes Preeti ilə xəyanət etməsi faktı ilə üzləşməlidir.