Savoyyalı Bona (it. Bona di Savoia) (10 avqust 1449, Avigliana qəsri^[d], Pyemont – 23 noyabr 1503, Fossano^[d], Pyemont) — Milan hersoqu Qalezzo Mariya Sforzanın ikinci xanımı, Milan hersoqinası. Atası Savoyya hersoqu Lüdovik, anası isə Kipr kralı qızı Annadır.

Savoyyalı Bona
Şəxsi məlumatlar
Doğum tarixi	10 avqust 1449
Doğum yeri	, Turin əyaləti, Pyemont, İtaliya
Vəfat tarixi	23 noyabr 1503 (54 yaşında)
Vəfat yeri	Fossano[d], Kuneo əyaləti, Pyemont, İtaliya
Atası	Lüdovik (Savoyya hersoqu)
Anası	Kiprli Anna
Həyat yoldaşı	Qaleazzo Mariya Sforza (Milan hersoqu)
Uşaqları	Bianka Mariya Sforza, Jan Qaleazzo Sforza (Milan hersoqu)
Vikianbarda əlaqəli mediafayllar

1464-cü ildə İngiltərə kralı IV Eduardla nişanlanması müzakirə edilsə də, kralın Elizabet Vudvillə gizlicə evlənməsi bu planı pozdu. Ardından 9 may 1468-ci ildə Milan hersoqu Qalezzo Mariya Sforzayla evləndirildi və bu nikahdan 4 övladı dünyaya gəldi. Savoyyalı Bona gələcəkdə qızlarından birinin onun oğlanlarından biriylə evlənməsinə qarşı çıxaraq İngiltərə kralından intiqamını almış oldu.

Ancaq ərinin 26 dekabr 1476-cı ildə əsilzadələr tərəfindən öldürülməsinin ardından 7 yaşlı oğlu hersoq elan edildi. Savoyyalı Bona isə bir çox əsilzadənin etirazlarına baxmayaraq oğlunun taxt naibi olaraq 1481-ci ilədək fəaliyyət göstərdi. Daha sonra artan siyasi gərginlik səbəbilə Fransaya qaçmağa cəhd etsə də, ələ keçirildi və Pyemont yaxınlığındakı qəsrlərdən birində ölümünədək həbs tutuldu.