Rodni Sent Pol bölgəsinə təyin edilmiş sabiq üzvü Ernest Emmanüel Vilyams və məktəb müəllimi olan İrina Vilyamsın oğludur.

Vilyams Sent Consda yerləşən "Antigua Grammar School"-da orta təhsilini aldı. Sonra elə həmin məktəbdə bir il müəllim kimi dərs verdi. Daha sonra "West Indian University" şəhərciyində tibb təhsili aldı.

İxtisasca həkimdir. Tibb və Cərrahiyyə ixtisasını 1976-cı ildə almışdır. 1978-ci ildən Barbadosdakı Kraliça Elizabet Xəstəxanasında təcrübə keçdikdən sonra Antiqua və Barbudada tibb təcrübəsini davam etdirmişdir.

Rodni 1984-cü ildə siyasətə atasının da təmsil etdiyi Sent Pol bölgəsindən parlament üzvü olaraq başlamışdır.

1994-cü ildə təşkil olunan ümumi seçkilərdə Antiqua İşçi Partiyasının qələbəsindən sonra Baş nazir Vilyamsı Təhsil, Mədəniyyət və Texnologiya Naziri təyin etdi. 2004-cü ildə siyasi fəaliyyətinin sonuna qədər o, bu vəzifəni icra etdi.

Vilyams Təhsil Naziri olduğu dövrdə ən mübahisəli qərar təhsil vergisini tətbiq edən Təhsil Şurası Qanununun Parlamentə təqdim edilməsi idi. Bu orqanın rolu, ölkədəki dövlət məktəbləri üçün lazım olan dəftərxana ləvazimatları və digər vəsaitlərin maliyyələşdirilməsindən ibarət idi. Layihə birinci dəfə Nümayəndələr Palatasına təqdim edildikdə, müxalifət qüvvələri ölkənin paytaxtı Sent Consun mərkəzi küçələrindən yığışdı.

Rodni 14 avqust 2014-cü ildə Antiqua və Barbudanın 4-cü general-qubernatoru vəzifəsinə and içdi.

Rodni 17 oktyabr 2014 tarixində Kraliça II Elizabet tərəfindən Müqəddəs Maykl və Müqəddəs Georgi Ordeni ilə təltif edildi. 2014-cü ilin noyabr ayında Vilyams Kastro Hersoqu şahzadə Karlo tərəfindən I Fransis Ordeninin ilə təltif edildi.