Riad Əhmədov - Haqqinda Melumat

Riad Əhmədov
Riad Əhmədov
	Riad Fikrət oğlu Əhmədov
Şəxsi məlumatlar
Doğum tarixi	20 dekabr 1956
Doğum yeri	Bakı, Azərbaycan SSR, SSRİ;
Vəfat tarixi	26 yanvar 1992 (35 yaşında)
Vəfat yeri	Daşaltı, Şuşa rayonu, Azərbaycan;
Dəfn yeri	II Fəxri Xiyaban;
Dəfn tarixi	30 sentyabr 2023
Vətəndaşlığı	SSRİ; Azərbaycan;
Həyat yoldaşı	Elmira Mahmudova
Atası	Fikrət Əhmədov
Təhsili	Bakı Dövlət Universitetinin Hüquq fakültəsi;
Hərbi fəaliyyəti
Mənsubiyyəti	Azərbaycan Ordusu
Rütbəsi	Polkovnik-leytenant
Döyüşlər	Birinci Qarabağ müharibəsi,; Daşaltı əməliyyatı;
Təltifləri	;

Riad Əhmədov (20 dekabr 1956, Bakı – 26 yanvar 1992, Daşaltı, Şuşa rayonu) — Azərbaycanın Milli Qəhrəmanı, Birinci Qarabağ müharibəsi şəhidi.

Həyatı

Riad Əhmədov 1956-cı il dekabr ayının 20-də Bakıda anadan olub. Riadın ata babası Həmid Əhmədov Qərbi Azərbaycanda anadan olub.

Riad Əhmədov 1979-cu ildə Azərbaycan Dövlət Universitetinin hüquq fakültəsini fərqlənmə diplomu ilə bitirmişdir.

1976–1979-cu illərdə Azərbaycan SSR Ədliyyə Nazirliyi yanında Məhkəmə Ekspertizası institutunda laborant işləyib. 1979–1980-ci illərdə həmin nazirliyin Qanun Layihələrinin Hazırlanması və Qanunvericiliyin Sistemləşdirilməsi idarəsində məsləhətçi, 1980–1981-ci illərdə isə Ədliyyə Nazirliyinin kadrlar şöbəsində baş məsləhətçi vəzifələrində çalışıb. 1981-ci ildə təhlükəsizlik orqanlarında fəaliyyətə başlayan Riad Əhmədov, 1981–1982-ci illərdə DTK-nın Minskdəki Ali Məktəbində təhsil alıb. 1984-cü ildə isə DTK-nın Y. V. Andropov adına institutu nəzdindəki kurslarda dinləyici olub.

1992-ci ildə Azərbaycan Respublikası Müdafiə Nazirliyi Kəşfiyyat İdarəsinin rəis müavini vəzifəsinə irəli çəkilmişdir. Riad Əhmədovun başçılıq etdiyi xüsusi kəşfiyyat dəstəsi Qarabağ uğrunda gedən döyüşlərdə düşmənin xeyli canlı qüvvəsini və hərbi texnikasını məhv etmişdir.

İtkin düşməsi

Riad Əhmədov 1992-ci il yanvar ayının 26-da rəhbərlik etdiyi kəşfiyyat qrupu ilə Daşaltı kəndindəki döyüşdə yaralanaraq itkin düşür. Uzun illər yeri müəyyən olunmamışdı. 18 sentyabr 2023-cü ildə Bakıda keçirilən "İtkin düşmüş şəxslərin taleyinə aydınlıq gətirmək üçün milli və qlobal səylərin artırılması" üzrə beynəlxalq konfransda Riad Əhmədov və digər itkin azərbaycanlıların nəşlərinin tapıldığını və müəyyən edildiyi açıqlanmışdır.

30 sentyabr 2023-cü ildə Riad Əhmədovla Dövlət Təhlükəsizliyi Xidmətinin Mədəniyyət Mərkəzində vida mərasimi təşkil olunmuşdur. Daha sonra İkinci Fəxri Xiyabanda dəfn edilmişdir.

Ailəsi

Riadın ata babası Həmid Əhmədov Qərbi Azərbaycanda anadan olub.

Riad Əhmədov Azərbaycan SSR Nazirlər Soveti sədrinin müavini vəzifəsində çalışmış Fikrət Əhmədovun oğludur. Bacısı bəstəkar, Azərbaycan Respublikasının əməkdar incəsənət xadimi Mehriban Əhmədovadır. Riad Əhmədovun həyat yoldaşı Elmira xanım isə Azərbaycan Respublikasının sabiq milli təhlükəsizlik naziri Eldar Mahmudovun bacısıdır.

Təltif və mükafatları

Azərbaycan Respublikası Prezidentinin 7 iyun 1992-ci il tarixli 833 saylı fərmanı ilə Polkovnik-leytenant Riad Fikrət oğlu Əhmədov ölümündən sonra "Azərbaycanın Milli Qəhrəmanı" adına layiq görülmüşdür.

(7 iyun 1992) — "Qızıl Ulduz" medalı (ölümündən sonra)

Xatirəsi

Bakı şəhərindəki 203 nömrəli tam orta məktəb onun adını daşıyır.

Filmlər

Azərbaycanın Milli Qəhrəmanı Riad Əhmədovun şərəfli döyüş yolunu əks etdirən "İgidnamə" sənədli filmi çəkilmişdir.

2013-cü ildə xatirəsinə həsr olunmuş Milli Təhlükəsizlik Nazirliyinin Mədəniyyət Mərkəzində keçirilən tədbirin sonunda "Qayıt, Riad" bədii-sənədli filmi nümayiş olunmuşdur.

Ədəbiyyat

Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 71–72.

İstinadlar

2022-12-21 tarixində . İstifadə tarixi: 2023-09-21.
. 2023-09-18 tarixində . İstifadə tarixi: 2023-09-18.
APA TV. (az.). . 18.09.2023. İstifadə tarixi: 2023-09-18.
. 2023-10-05 tarixində . İstifadə tarixi: 2023-09-30.
. azvision.az. 26 yanvar 2014. 2022-11-22 tarixində . İstifadə tarixi: 2022-11-22.
// aznews.az. — 2016. — 9 mart. 2022-07-09 tarixində . İstifadə tarixi: 2022-11-22.
2016-04-15 at the Wayback Machine. qafqazinfo.az, 18. noyabr 2015 (az.)
. www.e-qanun.az (Normativ hüquqi aktların vahid internet elektron bazası) ( (az.)). 07.06.1992. 2017-03-12 tarixində . İstifadə tarixi: 07.06.1992.
. 2023-09-18 tarixində . İstifadə tarixi: 2023-09-18.
. 2016-03-05 tarixində arxivləşdirilib. İstifadə tarixi: 2013-03-11.
Azərbaycanın Milli Qəhrəmanı Riad Əhmədovun xatirəsi böyük ehtiramla anılmışdır: [Milli Təhlükəsizlik Nazirliyinin Mədəniyyət Mərkəzində keçirilən tədbirin sonunda "Qayıt Riad2 bədii-sənədli filmi nümayiş olunmuşdur] //Azərbaycan.- 2013.- 21 dekabr.- S. 7.

[2] 2022-12-21 tarixində . İstifadə tarixi: 2023-09-21.

[3] . 2023-09-18 tarixində . İstifadə tarixi: 2023-09-18.

[4] APA TV. (az.). . 18.09.2023. İstifadə tarixi: 2023-09-18.

[5] . 2023-10-05 tarixində . İstifadə tarixi: 2023-09-30.

[6] . azvision.az. 26 yanvar 2014. 2022-11-22 tarixində . İstifadə tarixi: 2022-11-22.

[aznews-7] // aznews.az. — 2016. — 9 mart. 2022-07-09 tarixində . İstifadə tarixi: 2022-11-22.

[8] 2016-04-15 at the Wayback Machine. qafqazinfo.az, 18. noyabr 2015 (az.)

[:1-9] . www.e-qanun.az (Normativ hüquqi aktların vahid internet elektron bazası) ( (az.)). 07.06.1992. 2017-03-12 tarixində . İstifadə tarixi: 07.06.1992.

[10] . 2023-09-18 tarixində . İstifadə tarixi: 2023-09-18.

[11] . 2016-03-05 tarixində arxivləşdirilib. İstifadə tarixi: 2013-03-11.

[12] Azərbaycanın Milli Qəhrəmanı Riad Əhmədovun xatirəsi böyük ehtiramla anılmışdır: [Milli Təhlükəsizlik Nazirliyinin Mədəniyyət Mərkəzində keçirilən tədbirin sonunda "Qayıt Riad2 bədii-sənədli filmi nümayiş olunmuşdur] //Azərbaycan.- 2013.- 21 dekabr.- S. 7.