Rebekka (ing. Rebecca) – ABŞ prezidenti Kalvin Kulic və həyat yoldaşı Qreys Kulic tərəfindən saxlanılan dişi yenot.

Rebekka Mississippi ştatında tutulub. 1926-cı ildə Şükran günü naharında servis edilmək məqsədilə Ağ evə göndərilsə də, Kulic ailəsi onu yemək əvəzinə ev heyvanı kimi saxlamaq qərarına gəlmişdilər. Milad bayramında Rebekka üçün üzərində "Ağ evin yenotu" sözləri olan naxışlı yaxalıq hazırlanmışdır. Rebekka hər il Ağ evdə keçirilən Pasxa bayramı zamanı yarışlarında iştirak etməyi sevirdi.

Rebekka və krevet ilə yedizdirilirdi, yumurta isə sevimli qidası idi. Ağ evdə və həyətdə sərbəst şəkildə gəzməsinə icazə verilirdi. Rebekka bəzən Ağ evdə yaramazlıqlar da edirdi: lampaları sökür, kabinetləri açır və otaq bitkilərini dibçəkdən çıxarırdı.

Qreys Kulic onun haqqında yazmışdır:

Böyük ağacların birində onun üçün ev düzəltdik və onu qorumaq üçün ətrafına tikanlı məftil düzdük. Çöldə olanda zəncir taxırdıq, amma Ağ evin içində sərbəst idi. Yaramaz idi və Ağ evin içində olanda ona nəzarət etməli olurduq. Bir az su ilə doldurulmuş vannanın içinə qoyanda və oynaması üçün bir parça sabun verəndə çox əylənirdi. Özünü bir saatdan çox bu məşğuliyyətlə əyləndirə bilirdi.

1927-ci ilin martında Ağ evin bərpa işləri zamanı Kulic Rebekkanı müvəqqəti olaraq malikanəsinə gətirmişdir. Kulic ailəsi Blek-Hillsə tətilə gedərkən 2 it və 5 bülbüllə yanaşı Rebekkanı da səbətə qoyub özləri ilə aparmışdı. Kalvin Kulicin Ağ evi tərk etməyə hazırlaşarkən 1929-cu ildə Rebekkanı Vaşinqtonun Rok-Krik parkında yerləşən zooloji sığınacağa (indiki ) bağışlamışdır. Lakin Rebekka bura uyğunlaşa bilməmiş və tezliklə ölmüşdür.