Rəsulayn (bəzi mənbələrdə Rəsuleyn və ya Ras-əl-Ayn;ərəb. راس العين, klass. süry. ܪܝܫ ܥܝܢܐ) və ya Səre Kaniye (kürd. Serê Kaniyê) — Suriyanın Əl-Həsəkə mühafəzəsində şəhər, eyniadlı rayonun inzibati mərkəzi.
| Rəsulayn | |
|---|---|
| راس العين | |
_Kurdish_Syria.jpg) | |
| 36°51′01″ şm. e. 40°04′14″ ş. u. | |
| Ölkə | |
| Mühafəzə | Əl-Həsəkə |
| Rayon | |
| Tarixi və coğrafiyası | |
| Mərkəzin hündürlüyü | 360 ± 1 m |
| Saat qurşağı | |
| Əhalisi | |
| Əhalisi |
|
|
| |
 Vikianbarda əlaqəli mediafayllar | |
Cəzirədə yerləşən ən qədim şəhərlərdən biri olan Rəsulaynda ən azı neolit dövründən (təqribən e.ə. VIII minillikdən) bəri məskən salınmışdır. Sonrakı dövrlərdə qədim aramilərin Sikkan, romalıların Resayna və Bizansın Feodosiopolis şəhəri olaraq tanınan Rəsulayn bir neçə dəfə məhv edilmiş və yenidən tikilmişdir. Şəhər orta əsrlərdə müxtəlif müsəlman sülalələr arasındakı qızğın döyüşlərin məkanına çevrilmişdir. 1921-ci ildə imzalanmış Ankara müqaviləsinin şərtlərinə görə, Rəsulayn Suriya (Fransa) ilə Türkiyə arasında bölünmüş, şəhərin Türkiyəyə verilən şimal hissəsi Ceyranpınar adlandırılmışdır.
2004-c2 ildə əldə edilmiş məlumata görə, şəhərin əhalisi 29.347 nəfərdir. Bu isə Rəsulaynı Əl-Həsəkə mühafəzəsində yerləşən ən böyük üçüncü şəhəri edir. Şəhərin əhalisinin əksəriyyəti ərəblər və kürdlərdən təşkil olunmuşdur. Şəhərdə yaşayan digər icmalara aysorlar, ermənilər və çeçenlər aiddir.
Suriyada vətəndaş müharibəsi zamanı şəhər Suriya Demokratik Qüvvələri tərəfindən ələ keçirilmişdir. Rəsulayn 2019-cu ilin oktyabr ayında, Sülh Bulağı əməliyyatı çərçivəsində, Türkiyə Silahlı Qüvvələri və suriyalı üsyançılar tərəfindən ələ keçirilmişdir.
Etimologiya
Şəhər yazılı mənbələrdə ilk dəfə, Assuriya kralı dövründə (e.ə. 911–891) Akkad dilində "Reş ina" olaraq qeydə alınmışdır. Ərəb dilindəki "Rəsulayn" sözü elə bu addan törəmişdir və Azərbaycan dilində "bulağın başı" deməkdir.
Qədim yunan coğrafiyaşünası Ptolemey şəhəri "Raysena" adlandırmışdır. Şəhər Roma imperiyası dövründə "Ressayna" və ya "Resayna" adlandırılırdı.Bizans imperatoru I Feodosi şəhəri 380-ci ildə ələ keçirdikdən sonra şəhər Feodosiopolis adlandırılmışdır. "Rəsulayn" adına əlavə olaraq, orta əsrlərə aid ərəbdilli mənbələrdə şəhər bəzən "Aynverda" adlandırılır.
Şəhərin kürd dilindəki adı – Serekaniyyə də "bulağın başı" deməkdir. Ehtimal olunur ki, bu ad şəhərin samidilli adının birbaşa tərcüməsidir.
Əhali
2004-cü ildə keçirilmiş əhalinin siyahıyaalmasına görə, şəhərin əhalisi 29.347 nəfərdir. Şəhərin əhalisinin əksəriyyətini ərəblər təşkil edir, ancaq şəhərdə kürd, aysor, erməni və çeçen icmaları da yaşayır.
| 1981 | 2004 |
|---|---|
| 14.278 | 29.347 |
Qalereya
-
Şəhər mərkəzindəki insanlar. -
Bir ortodoks kilsəsi. -
Şəhər Sülh Bulağı əməliyyatı zamanı.
_bombalan%C4%B1yor.jpg)
İstinadlar
- . xezerxeber.az (az.). Xəzər Xəbər. November 14, 2012. October 15, 2019 tarixində . İstifadə tarixi: October 15, 2019.
- . Baku.WS (az.). October 9, 2019. October 15, 2019 tarixində . İstifadə tarixi: October 15, 2019.
- . trend.az (az.). Trend News Agency. March 24, 2018. March 24, 2018 tarixində . İstifadə tarixi: October 16, 2019.
- . nbcnews.com (ingilis). . October 14, 2019 tarixində . İstifadə tarixi: October 15, 2019.
- Bonats, Dominik. The Archaeology of Political Spaces: The Upper Mesopotamian Piedmont in the Second Millennium BCE (ingilis). Walter de Gruyter. 2014. 61–. ISBN 978-3-11-026640-5.
- ↑ . // (ingilis). London: Royal Geographical Society. 1868. 281–360, here: 346–350. 2022-04-07 tarixində . İstifadə tarixi: 2019-10-15.
- Büri, C. B. History of the Later Roman Empire (ingilis). Courier Corporation. 2012. 94–. ISBN 978-0-486-14338-5.
- . citypopulation.de (ingilis). City Population. April 21, 2013 tarixində . İstifadə tarixi: October 15, 2019. [ölü keçid]
- . bbc.com (ingilis). BBC. October 12, 2019 tarixində . İstifadə tarixi: October 15, 2019.
Xarici keçidlər
-
Vikianbarda Rəsulayn ilə əlaqəli mediafayllar var.
