Qafar Çaxmaqlı (tam adı: Mehdiyev Qafar Qələndər oğlu, 16 avqust 1956, Çaxmaq, Amasiya rayonu) — Azərbaycanlı jurnalist. Siyasi elmlər üzrə fəlsəfə doktoru; Türkiyənin Erciyes Universitetində ermənişünaslıq bölümü başqanı, Azərbaycan-erməni Araşdırmaları Mərkəzinin rəhbəri.

Qafar Çaxmaqlı
Şəxsi məlumatlar
Doğum tarixi 16 avqust 1956(1956-08-16) (67 yaş)
Doğum yeri
Partiya
Təhsili
Fəaliyyəti jurnalist
Elmi fəaliyyəti
Elmi dərəcəsi

Təltifləri "Tərəqqi" medalı
Vikianbarın loqosu Vikianbarda əlaqəli mediafayllar

Həyatı

Qafar Mehdiyev (Çaxmaqlı) 16 avqust 1956-cı ildə Ermənistan SSR-in Amasiya rayonunun Çaxmaq kəndində anadan olub. Orta təhsilini bu rayonda alıb. 1975-ci ildə Bakı Dövlət Universitetinin Jurnalistika fakultəsinə daxil olub və 1980-ci ildə buranı bitirib. Həmin ilin noyabr ayının 20-dən etibarən Qafar Mehdiyev "Kommunist" (ermənicə) qəzetində müxbir kimi fəaliyyətə başlayıb. Burada 1989-cu ilə qədər baş müxbir və bölgə müxbiri kimi fəaliyyət göstərib.

"Vətən səsi" (1990–1991) və "Xalq qəzeti"ndə (1991–1992) məsul katib, "Millət" (1992–1993), "Yeni Azərbaycan" (1993), "Vətəndaş" (1993–1995), "Avrasiya" (1995–1996) və "Respublika" (1996–1999) qəzetlərinin redaktoru və baş redaktoru olub. 1999–2000-ci illərdə Türkiyədə, Strateji Araşdırmalar Mərkəzində tədqiqatçı vəzifəsində çalışıb, 2000-ci ildən 2006-cı ilədək Bakı Dövlət Universitetinin mətbuat xidmətinin rəhbəri olub. 2003-cü ildən Bakı Dövlət Universitetinin jurnalistika fakultəsində dərs deyir. ""Erməni məsələsi" ilə əlaqədar tarixi həqiqətlərin aşkarlanmasında mətbuatın rolu. 1890–1920-ci illər erməni və Türkiyə mətbuatının materialları əsasında" namizədlik dissertasiyasını tamamlayaraq siyasi elmlər üzrə fəlsəfə doktoru dərəcəsi alıb. Araşdırdığı mövzuda və digər mövzularda bir sıra elmi nəşrlərdə xeyli miqdarda məqalələri dərc edilib.

"Qars adlı vətən" (2000), ""Erməni məsələsi" tarıxın izi ilə" (2008), "Dağlıq Qarabağ işğaldan sonra və əvvəl" (azərbaycanca və türkcə, 2011) kitabları işıq üzü görüb. 2004-cü ildən Araşdırmaçı Jurnalistlər Liqasının sədri, "Yeni Avrasiya" qəzetinin baş redaktoru, "Ekspress" qəzetinin köşə yazarıdır. 2007-ci ilin fevralından MAJL Ermənişünaslıq Mərkəzinin rəhbəri kimi bu sahədə aparılan tədqiqatların sistemli şəkil almasına çalışır.

Jurnalistika sahəsində bir sıra mükafatlara layiq görülüb: "Qızıl qələm", "Dan ulduzu", "Ustad" və sair. 2005-ci ildə Azərbaycan mətbuatının inkişafında göstərdiyi xidmətlərə görə Azərbaycan Respublikasının Prezidenti İlham Əliyevin sərəncamı ilə "Tərəqqi" medalı ilə təltif edilib.

Erməni, rus və türk dillərini bilir, almanca tərcümələr aparır. Hazırda "Azərbaycan ordusu" qəzetinin xüsusi müxbiri, Erciyes Universiteti (Türkiyə, Kayseri şəhəri) Erməni Araşdırmalar Bölümü başqanıdır.

Tədqiqatçı kimi beynəlxalq elmi konfranslarda çıxış edir. 1999-cu ilin iyununda Qars (Türkiyə), 2003-cü ilin mayında Bakı (Azərbaycan), 2005-ci ildə Ankara (Türkiyə), 2007-ci ildə yenidən Bakıda konfranslarda iştirak etmiş, 2010-cu ildə Belçika Parlamentində Dağlıq Qarabağ ilə bağlı dialoqda iştirakçı olmuşdur.

100-dən çox elmi məqaləsi çap edilmişdir.

Qafar Mehdiyev Azərbaycan Demokratik İstiqlal Partiyasının baş katibi olmuşdur. O, 1999-cu ildə keçirilmiş təkrar və yeni seçkilərdə 11 saylı Xətai III seçki dairəsi üzrə deputatlığa namizəd olmuşdur.

Ailəsi

Ailəlidir – həyat yoldaşı Mehdiyeva Rəhilə Yaqub qızı, övladları Mehdiyev Elay Qafar oğlu, Mehdiyev Emin Qafar oğlu və Rzayeva Günay Qafar qızıdır.

"Erməni məsələsi"nə dair elmi məqalələri və kitabları

  • Erməni məsələsi necə ortaya çıxdı?. Elturan jurnalı, yanvar-fevral 1994.
  • Qars adlı vətən. Bakı: 2000.
  • Qars və digər Şərqi Anadolu vilayətlərində "erməni məsələsi"… Dirçəliş XXI əsr jurnalı, fevral-mart 2005.
  • Qərb missioner təşkilarlarının Şərqi Anadoluda güddükləri məqsədlər mətbuatda. BDU-nun elmi xəbərləri, humanitar seriyası, 4-cü say, iyun-iyul 2004.
  • Ermənilərin Şərqi Anadoludan köçürülməsi zərurəti mətbuatda. Dirçəliş XXI əsr jurnalı, 2007.
  • "Armenian problem" in history. Journal "Today and tomorrow", october, 2007.
  • "Erməni məsələsi" tarixin izi ilə. Monoqrafiya, 2008.
  • . (Azərbaycanca), Bakı, "Hərbi Nəşriyyat", 2009. 136 səh.
  • Dağlıq Qarabağ işğaldan əvvəl … və sonra. Türkcə və azərbaycanca, 2010–2011.
  • Ermənicə qaynaqlarda erməni cinayətləri, 2015.

İstinadlar

  1. azadliq.org (azərb.). Azadlıq Radiosu. 21 iyun 2014. 2021-05-14 tarixində . İstifadə tarixi: 7 iyul 2016.
  2. . 2022-05-30 tarixində . İstifadə tarixi: 2022-05-30.
  3. Qaşqay Ziyəddinoğlu. . aztoday.az. 13 Noyabr, 2015. İstifadə tarixi: 12 iyul 2016. [ölü keçid]
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023