Qaçay Məmməd oğlu 25 may 1917-ci ildə Xankəndi şəhərində anadan olub. Sonrakı illərdə ailəsi ilə birlikdə Xankəndinə köçüblər. 1933-cü ildə Bakida pedaqoji texnikuma daxil olub. 1936-cı ildə ali təhsil almaq üçün o vaxtkı Lenin adına Pedaqoji İnstituta qəbul olub. 1940-cı ildə bu ali məktəbin filologiya fakültəsini uğurla başa vuran Q.Məmmədov müxtəlif təhsil müəssisələrində rəhbər vəzifələrdə çalışıb.

1940-cı ildə o vaxtkı Lenin adına Pedaqoji İnstitutu bitirdikdən sonra onu məcburi şəkildə Şamaxı rayonundakı pedaqoji məktəbə dərs hissə müdiri göndərdilər. Bir il işləyəndən sonra müharıbə başladı. Direktor alman dili müəllimi olduğuna görə onu orduya apardılar. 1 il orda direktor işlədi. 1942-ci il yanvarın birində müharibəyə yollandı. 5 il Yaponiya və Almaniyada gedən döyüşlərin iştirakçısı oldu. Qayıdandan sonra onu Şamaxıya maarif müdiri göndərdilər. 1–2 il orda çalışdı. Xaçmaza göndərdilər, 3 il də orada çalışdı. Ailəsi, uşaqları Bakıda yaşayırdı,ona görə mərkəzə dəyişildi. Düz 22 ay dəmiryolu məktəbində direktor işlədi, sonra bu məktəb bağlandı. 1963-cü ildən isə 102 nömrəli məktəbdə direktor işləyir.

Əməkdar müəllimdir. Sovet dövründə dəfələrlə "Qırmızı Əmək Bayrağı" və "Lenin" ordenləri ilə təltif olunub. Hazırda Prezident təqaüdçüsüdür.

3 övlad atasıdır. 2 qızı və 1 oğlu var. Böyük qızı uzun illər memar işləyib, oğlu hərbçi olub. Övladlarının ikisi artıq təqaüdə çıxıb. Özü isə bu yaşlı olmasına baxmayaraq hələ də işləyir. O birisi qızı isə kimya institutunda çalışır. 3 nəvəsi var, nəticələri var. Həyat yoldaşı 1980-ci ildə rəhmətə gedıb. Uzunömürlülər nəslindəndir. Maraqlıdır ki, Qaçay müəllimin babası 107 yaşında, nənəsi 98 yaşında rəhmətə gedib. Uşaqlığı çox ağır keçib, çox çətinliklər görüb. Anası onu dünyaya gətirəndə vəfat edib. Nənəsi saxlayıb. Atası və əmisi 1937-ci ilin repressiya qurbanları olub. Odlu müharibə yolu keçib. Hərbi məktəb bitirməyi onu nizam-intizamlı və idmanla məşğul olmağı öyrədib. Həyat onu məcbur edib ki, tək olduğu üçün özümə yaxşı baxsın. Saat 20.00-dan sonra yemək yemir, bir stəkan qatiq içir. Amma uşaqlıqdan bu günə qədər ətli xörəklərə daha çox üstünlük verib. Uşaqlığı dağlıq rayonlarda keçib. Qarabağın təmiz havası, təmiz suyunu içib böyüyüb.