Yuanna 1455-ci ildə dünyaya gəldi. Atası Portuqaliya kralı I Eduard, anası isə Araqon kralı I Ferdinandın qızı Araqonlu Elyanoradır. Atası doğumundan 6 ay öncə vəfat etmişdi və taxta azyaşlı qardaşı V Afonso çıxarılmışdı. Ancaq azyaşlı qardaşına naiblik uğrunda anası ilə əmisi İnfant Pyotr arasında siyasi mübarizə davam edirdi. Bu siyasi mübarizədə məğlub olmasının ardından anası 1440-cı ilin dekabrında balaca Yuanna ilə Kastiliyaya qaçmağa məcbur oldu.

Uşaqlıq illəri Kastiliyada keçən Yuanna 21 may 1455-ci ildə Kordovada xalası oğlu olan Kastiliya kralı IV Henriylə evləndi. Bu, kralın ikinci evliliyi idi və ilk evliliyindən övladı olmamışdı. Cütlüyün bu nigahdan 6 ildən sonra yalnız bir qızı - Yuanna dünyaya gəldi. Ancaq bu qızın da kraldan deyil, kraliçanın sevgilisi olan Alburkerke qrafı Don Beltrandan doğulduğu iddia edildi. Bu səbəblə doğulan qızcığaz Yuanna la Beltran olaraq anıldı. Qızının kralın yeganə varisi olduğunu sübut etmək və taxt sırasındakı kralın bacısı İzabellanı ölkədən uzaqlaşdırmaq üçün onu qardaşı V Afonsoyla evləndirmək istəsə də, İzabella bunu qəbul etmədi.

Yayılan saray şayələri səbəbilə, IV Henri onu kral sarayından qovdu. Sürgün edildiyi sarayda daha sonra 2 uşaq daha dünyaya gətirən kraliçadan 1468-ci ildə boşandığını elan edən IV Henri bu uşaqları tanımadı. Ərinin 1474-cü ildə vəfat etməsinin ardından qızının taxt iddiasını dəstəkləyən Yuanna çox keçmədən 1475-ci ildə Madriddə vəfat etdi.

• İnfanta Yuanna
• Pedro de Castilla-Portuga
• Andres Apostol de Castilla-Portugal

• de Sousa, Antonio Caetano (1735). Historia genealogica da casa real portugueza [Genealogical History of the Royal House of Portugal] (in Portuguese). Vol. 2. Lisboa Occidental. p. 497
• Armitage-Smith, Sydney (1905). John of Gaunt: King of Castile and Leon, Duke of Aquitaine and Lancaster, Earl of Derby, Lincoln, and Leicester, Seneschal of England. Charles Scribner's Sons. p. 21